Төв аймгийн Эрдэнэ сумын нутагт Налайхын өмнө орших эртний Түрэгийн хаант улсын (VI-VIII зуун) гурван хааны зөвлөх Мэргэн Тоньюкук хэмээн алдаршсан нэрт сайдын тахилын сүмийг 1952 онд малтах үед олжээ.
Шавар баг нь амаа ангайж, соёо шүд нь арзайсан, дээд урууландаа нарийн сахалтай, хацар нь түмбийсэн, нүд нь бүлтийж, нүдний дээд талаар хөмсгийг товойлгон тал саран байдлаар дүрслэн хөмсөгнөөс эгц дээш үс бололтой гурван эгнээ товгорыг нэн сонирхолтой гаргасан ба үлэмж том монцгордуу хамартайгаар дүрсэлжээ.
Эртний Түрэгүүдийн дүр царай, гэзэг үс, хувцас хэрэглэлийн зүйлсийг тодруулахад Түрэгийн үеийн хүн чулуун хөшөөд чухал сурвалж болдог. Түрэгийн хаант улсын үед хамаарагдах хүн чулуун хөшөөг боржин буюу гантиг чулуугаар урлан хийдэг байжээ. Тэд үндсэндээ бөө мөргөлийг шүтдэг байв. Гэхдээ тэдний дунд буддын болон загалмайтны шашны нөлөө нэвтэрч байсан бололтой.
Бүтээгч: Нэр нь үл мэдэгдэх
Хэмжээ: 23,5 х 16 х 8,6см
Г. Занабазарын нэрэмжит дүрслэх урлагийн музейн дэлгэрэнгүй тайлбар
Discussion about this post