Дуучин Д.Намсрайноров Төв аймгийн Монгол туургатан театрын даргаар томилогджээ

МУСТА дуучин Намсрайноровыг Төв аймгийн Монгол Туургатан театрын захирлаар томилжээ. Ингэснээр бас нэг дуучин аймгийн театрын дарга болов. Сүүлийн үед нийтийн дуучид албан тушаалын томилгоонд одтой байж, аймгийн театрын дарга болсоор байна. Тухайлбал, МУГЖ дуучин Төмөрийн Батсайхан Өмнөговийн, Отгойн Баянмөнх Хөвсгөлийн, “Классик жем”, “Нюанс” хамтлагийн дуучин байсан Энхтайван Завханы театрын даргаар ажиллаж байгаа.  Хоттой хамгийн ойр, аймгуудын театраас амжилттай байдаг Төв аймгийн Монгол туургатан театрын нутгийн хүү Д.Намсрайноров хэрхэн удирдаж, яаж ажиллахыг харах л үлдлээ.