Жүжигчин Г.Ананд суллагдлаа

Хан-Уул дүүргийн 15 дугаар хорооны нутаг Их Монголын гудамжинд “Мерседес Бенз Жи-500” маркийн автомашин “Тоёота Премио” загварын автомашинтай мөргөлдөж, Тоёота Премио машины жолооч амиа алдсан. Энэ хэрэг 2020.01.16-ны өглөө 05:30 цаг орчимд гарсан юм. УБС 0858 дугаартай “Мерседэс Бенз Жи-500” машиныг жүжигчин Г.Ананд жолоодож явсан байдаг. Мөн жолоо барих үедээ халамцуу байсан нь тогтоогдсон. Осол гаргасан залуу жүжигчин Г.Анандад анхан шатны шүүхээс түүнд гурван жилийн хорих ял оноож, жолоодох эрхийг нь таван жилээр хасах шийдвэр гаргасан билээ. Согтуугаар тээврийн хэрэгсэл жолоодож яваад ноцтой осол гаргаж, хүний аминд хүрсэн хэрэгт буруутгагдан ял сонссон жүжигчин Г.Ананд Өршөөлийн хуулинд хамрагдаж, дөнгөж сая суллагджээ. Шүүх хурал нь Баянзүрх, Сүхбаатар, Чингэлтэй дүүргийн шүүхэд болсон байна. Г.Ананд нь өнгөрсөн оны нэгдүгээр сарын 31-нд шүүхээс 3 жилийн хорих ял сонссон бөгөөд ийнхүү жил долоон сарын дараа Ардын хувьсгалын 100 жилийн ойд зориулан батлагдсан өршөөлийн хуулиар суллагдаж байна.Жүжигчин Г.Ананд “Single ladies” уран сайхны кинонд адуучин залуу Алтангэрэлийн дүрийг бүтээсэн. Усанд сэлэлт, сагсан бөмбөг, бодибилдингийн спортоор хичээллэдэг. Санхүү, эдийн засгийн их сургуулийг төгссөн нэгэн.