Асашёорюү Ерөнхийлөгчийн биет төлөөлөгчийн ажлаас татгалзлаа

Сумогийн аварга Асашёорюү Дагвадоржийг Ерөнхийлөгч Х.Баттулга өөрийн биеэр хөтлөн очиж АН-д элсүүлсэн. Ах Д.Сумъяабазар нь МАН, ах Д.Сэржбүдээ МАН-ын гишүүн. Долгорсүрэн заан нэг хүүгээ “ХҮН” намд элсүүлбэл таарна гэж хүмүүс шоолдог. Асашёорюү АН-д хөтөлж, хуурай ах нь болсон холбоотой Ерөнхийлөгч Х.Баттулгаас алхам ч холдолгүй өнөөдрийг хүрлээ. Асашёорюү Монгол Улсын Ерөнхийлөгчийн Япон Улсыг хариуцсан биет төлөөлөгчөөр ажилладаг. Харин өнөөдөр гэнэт Миний бие Монгол Улсын Ерөнхийлөгчийн Япон улс хариуцсан биет төлөөлөгчөөс өөрийн хүсэлтээр чөлөөлөгдөж байгааг үүгээр мэдэгдэж байна. ЕТГ-ын нийт бие бүрэлдэхүүнд ажлын амжилт хүсэн ерөөе” гэж нүүр хуудастаа бичлээ. Сүүлийн үед Д.Дагвадоржийг Улсын циркийг хувьчилж авсан асуудал сөхөгдөж, циркчид өдөр бүр шахуу хэвлэлийн бага хурал зарлаж байгаа. Ерөнхийлөгчийн сонгууль дөхсөн энэ хариуцлагатай үед хэл ам таталсан биет төлөөлөгч хэрэггүй болохоор Асашёорюү ажлаа өглөө гэлцэж байна.