“Амьтан асрах Гэсэрхэн” ТББ-ыг хоёр бүсгүй үүсгэн байгуулжээ. Тэд ямар ч болзолгүйгээр, амьтны зовлонд үл тэссэн энэрэх сэтгэлээр эзэнгүй 67 нохой, 35 муурыг өөрсдийн хөрөнгө мөнгөөр асран хамгаалж, хооллож, эмчлүүлж, вакцинжуулж, спэй заслага хийлгэдэг. Жадо ринбүчи багш эл буянтай үйл хэргийг дэмжиж тус байгууллагад 3 сая төгрөг хандивлажээ. Жадо ринбүчигийн шавь нь хүүдээ “Нохой асрамжийн газар”-аас “Бөмбөг” гэдэг нэртэй энэ хөөрхөн үслэг, соотон нохойг үрчилж авч өгчээ.
Удахгүй ирэх 07 дугаар 06-нд Далай багш 86 нас сүүдэр зооглоно. Дээрхийн гэгээн: “Надад та нар төрсөн өдрийн бэлэг барихыг хүсвэл буян үйлдэж, бусдын тусыг бүтээж, бусдыг баярлуулаарай” гэж айлддаг, захидаг билээ. Иймд Жавзандамба хутагт төвийнхөн “Амьтан асрах Гэсэрхэн” ТББ-ын үйл ажиллагаанд мөнгөн тусламж үзүүлж, тэрхүү буянаа Далай багшдаа төрсөн өдрийн бэлэг болгон өргөхөөр хандивын аян зарлаж байна.
Иймээс Жадо ринбүчи багш “Амьтан асрах Гэсэрхэн” төвд 3 сая төгрөг өргөсөн ч Жавзандамба хутагт төвөөс зарлаж буй аянд нэгдэн дахин 1 сая төгрөг өргөхөөр болсон байна.
Эрхэм та Далай багшид төрсөн өдрийн бэлэг болгон барих буянт үйлсэд нэгдэхийг хүсвэл доорхи дансанд хандиваа шилжүүлээрэй.
Голомт банк, 1102800986
Дансны нэр: Жавзандамба Хутагт төв
Гүйлгээний утга: Амьтны асрамж, нэр, утас
Тэргүүлшгүй цагаас амьтан бүхэн тоогүй олон удаа бидний ээж аав болж, энэ насны ижий аав шиг энэрэн ачилсан гэнэм. Эцэг эх болсон амьтанд аль чадлаараа тусалцгаая.
ЖАВЗАНДАМБА ХУТАГТ ТӨВ
Discussion about this post