Хүний халаасыг тэмтэрч, хөнжлийг нь сөхөх шиг муухай зүйл үгүй. Хэн нэгний хөдөлмөрлөж бий болгосон хөрөнгө мөнгөнд атаархах бүр ч муухай. Эдгээр муухай бүхний мөнхийн “бай” байх сонголт хийсэн хүмүүс бол улстөрчид өөрсдөө. АТГ-аас нэгтгэн гаргадаг төрийн өндөр албан тушаалтнуудын хөрөнгө орлогын мэдүүлгээр эд хөрөнгөөрөө нэгдүгээрт УИХ-ын гишүүн Б.Чойжилсүрэн орж байсан. УИХ-ын гишүүн Б.Чойжилсүрэн “Хурд” группын охин компани болох 10 хэдэн компаний хувьцааг дангаараа 100 хувь эзэмшдэг гэдгээ ч нуудаггүй. Б.Чойжилсүрэнгийн гэр бүлийн жилийн орлого 4-5 тэрбум төгрөгт эргэлддэг. Харин ийнхүү орлого нь огцом өсөх болсон шалтгаан нь “Сауд гоби блейк гоулд” ХХК зэргээр уул уурхайн бизнест хөл тавьсантай холбоотой гэдэг. Тиймдээ ч Чойжилсүрэн гишүүн хоёр дахь уурхайгаа Өмнөговь аймгийн Цагаан хад гэдэг газар худалдаж авахаар болж, Өмнөговь руу 40 хүний бүрэлдэхүүнтэй хамгаалалтын алба явуулсан гэнэ. Өмнөговьд нүүрс тээвэрлэдэг 100 гаруй том машинтай байсан УИХ-ын гишүүн Б.Чойжилсүрэнгийн хувийн бизнес нийслэлд төдийгүй Өмнөговьд цэцэглэж байгаа бололтой.WWW.TAIZ.MN
Discussion about this post