Дуучин Б.Сарааг “АПУ” Батсайхан ивээн тэтгэв

Зууны манлай эстрадын дуучин Б.Сарантуяа өөрийгөө “ард түмнийхээ хайранд эрхэлчихсэн бумбайсан, эрх амьтан” гэж байсан нь үнэний хувьтай. МАН-д элсэн, ардын намын журамт цэрэг болсон Сараа АН, МАН гэлтгүй улс төр бизнесийн хүрээнийхэн дунд ч нэр хүндтэй хүн. Ямартаа ч поп хатагтайн төрсөн өдрөөр “АПУ” Батсайхан, “МСS”-ийн Оджаргал хоёр сваровский шигтгээтэй таван сая төгрөгийн үнэтэй микрофон бэлэглэж байсан. “АПУ”-гийн гэж овоглогддог УИХ-ын дэд дарга Г.Батхүү түүний төрсөн дүү П.Батсайхан нарынх дуучин Сараатай Монголын баячуудын анхны хотхон болох “Шинэ төгөл”-д удаан хөрш амьдарсан болохоор хоорондоо маш сайн харилцаатай байдаг гэдэг. Ямартаа л “АПУ”-гийн Батхүүгийн том хүүг Поп Сараатай амрагийн холбоотой гэж цуурч байхав. Саяхан “АПУ”-гийн Батсайхан МУГЖ Б.Сарантуяагаар “Сүүний үнэр шингэсэн…” гэж эхэлдэг ээжийн тухай дууг санал болгон дуулуулж, клипийг нь ивээн тэтгэн өөрийнхөө ээжийг Оюун багшийг клипэнд нь тоглуулжээ. С.Оюун багш УИХ-ын гишүүн Г.Батхүү, “АПУ”-гийн Батсайхан, “Шунхлай”-гийн Бат-Эрдэнэ, НИТХ-ын гишүүн П.Батчимэг гэх дөрвөн мундаг хүүхэд төрүүлсэн буянтан. WWW.TAIZ.MN 2013 он