Стив Жобсын 1973 онд гараар бичиж байсан ажлын анкет Чартерфилдс онлайн дуудлага худалдаагаар 222,400 ам.доллараар зарагдлаа.
50 жилийн тэртээ гараар бичиж байсан энэхүү бичмэл нь Стив Жобсын хамгийн анхны ажлын анкет бөгөөд компани болон албан тушаалын нэр уг анкетад дурдагдаагүй аж. Хэрэв түүний намтрыг эргэн харвал, Стив Жобс 1974 онд Atari Inc. компаниас ажлын гараагаа эхлүүлж байсан ч энэхүү гар бичмэл Atari Inс. компанид зориулагдсан эсэх нь тодорхойгүй байгаа юм. Анкетад Стив Жобс “Компьютер болон цахим технологи, дижитал дизайны тусгай чадварыг эзэмшсэн” хэмээн тодорхойлсон байна. Харин Чартерфилдс дуудлага худалдаанаас гар бичмэлийг “Олон жил хадгалагдсан хэдий ч багахан зэргийн л толбо болон нугалаатай” гэсэн юм.
Энэ гар бичмэл өмнө нь анх 2018 онд дуудлага худалдаанд орж байсан тухайн үед 175 мянган ам.доллараар зарагдсан юм байна.
Discussion about this post