Монголын сайхан бүсгүй шалгаруулах тэмцээнд мисс Биндэръяа, Мөнхцэцэг, Мичидмаа, Чулуун-Эрдэнэ тэргүүтэй сайхан бүсгүйчүүд алтан эрдэнийн титэм зүүж байсан, олонд хүлээн зөвшөөрөгдсөн миссүүд. Дараа нь мисс Сарантуяа, мисс Оюунтуяа, мисс Бүрэнжаргал, Түмэнхүслэн, Сансармаа, Ё.Нямжав, Уянгалянхуа, Ариунбилэг тэргүүтэй сайхан бүсгүйчүүд ялагч болж, алтан эрдэнийн титэм толгой дээрээ залж байсан. Харин үүнээс хойш хаа саагүй, элдэв холбоо ТББ миссийн тэмцээн зохион байгуулсаар чанар нь муудаж, хэн хаана миссийн тэмцээнд түрүүлж байгааг хүмүүс ялгахаа больсон билээ. “Алтан үе”-ийн миссүүдийн нэг Бүрэнжаргал 1995 онд Монголын сайхан бүсгүй шалгаруулах тэмцээнд 18 настайдаа түрүүлсэн. Дарханы сайхан бүсгүйчүүд болох Мисс Сарантуяа, мисс Оюунтуяа, Бүрэнжаргал нар гурван жил дараалан Монголын сайхан бүсгүй шалгаруулах тэмцээнд түрүүлж, Дарханы бүсгүйчүүд сайхан гэдгийг олон нийтэд батлан харуулсан гэж болно.
Мисс Бүрэнжаргал нүдээрээ инээсэн даруухан хөөрхөн бүсгүй байсан. Мисст түрүүлснийхээ дараа “Халтар царайт” киноны гол дүр Санта Монголд ирж, тэр шоуг үзэж байгаад сагсчин нөхөртэйгөө танилцсан гэдэг. Сагсчин Отгонбаяр тухайн үед эхнэр хүүхэдтэй байсан нь олонд мэдэгдэж нэлээн хэл ам болсон. Сагсчин Отгонбаярын анхны эхнэр нь “шүдэнз” гэгддэг жүжигчин Б.Амарсайханы төрсөн эгч. Б.Баярсайхан одоо УИХ-ын гишүүн. Нөхрөө мисс бүсгүйд алдсан Б.Баярсайхан Отгонбаярын хүүг авч үлдсэн. Удалгүй дахин дүүмэд залуутай гэрлэн гурван хүүхэд төрүүлснээр Алдарт эх болсон ибилээ.
Сагсчин Отгонбаяр сүүлд төрийн албанд ажиллаж, хотын захиргаанд удирдах алба хаших болсон. Мисс Бүрэнжаргал МАН-ын дарга М.Энхболдын туслахаар удаан ажилласан. Сагсчин Отгонбаяр, мисс Бүрэнжаргал хоёр хамтдаа 10 гаруй жил амьдарч, гурван хүүхэдтэй болсон гэнэ. Мисс Бүрэнжаргал М.Энхболдын туслахаар ажиллахаа байж, нам гүмхэн амьдрах болсон. Мисс Бүрэнжаргал хэвлэлд ярилцлага өгдөггүй хамгийн даруухан амьдардаг миссийн нэг. 
Discussion about this post