“Говийн зэрэглээ”-гийн захирал Г.Эрдэнэтогтох ийм болжээ

“Говийн зэрэглээ” киноны залуухан сургуулийн захирлын дүр хүмүүст дотно үлдсэн. Хөдөөгийн сургуулийн захиралд тоглосон Г.Эрдэнэтогтох хааяахан клипний дуунд тоглох ч, тэр нь том киноны гол дүрээс дутуугүй хүмүүсийн сэтгэлд үлддэг. МУГЖ Ж.Алтанцэцэгийн “Сэрүүн зүүд шиг амьдрал” дууны клипэнд тоглосон дүр бүтээлт, харц жүжиглэлт яг драм, хүмүүсийн сэтгэлд хоногшсон. “Сэрүүн дуганы мөхөл” кинонд хувьсгалч залуугийн дүр бүтээсэн нь эсрэг дүр боловч хүмүүст мөн л эергээр хүргэсэн билээ. Алтан үеийн жүжигчдээс дутуугүй Г.Эрдэнэтогтохыг үзэгчид, тайз дэлгэцнээс үгүйлж байдаг. Г.Эрдэнэтогтох 1980-1995 он хүн Улсын драмын театрт ажиллаж олон сайхан дүр бүтээсэн. Г.Эрдэнэтогтох гэргийтэйгээ хамт ажиллаж, үзэгчид гэргийг нь Бүжин, Танягийн дүрээр андахгүй. Нэг гэр бүлийн хоёр нэг л өдөр театраас гарч тайзнаас буусан нь нэр бүхий Ардын жүжигчинтэй таарахгүй, хавчигдан театраас гарсан гэж өнөөг хүртэл яригддаг.