Булган аймаг анхдагчдын өлгий нутаг гэдэг. Монголын анхны сансрын нисэгч, Олимпийн аваргыг төрүүлсэн аймаг сүүлийн үед нэлээн барцадтай байгаа. Аймгийн алдартан Олимпийн аварга, Хөдөлмөрийн баатар эрхэм нь нутаг нэгт, бэлтгэл хангагч улсын начингаа ухаангүй сар хэвттэл зодоод одоо өөрөө хоригдож, Энхбат начин Солонгост эмчлүүлж байгаа. Булганаас сонгогдсон уртаашаа өргөөшөө хоёрхон УИХ-ын гишүүн нь хоорондоо “байлдаж, мөн л Булганы гаралтай нэг бүсгүй “хатгах жад, хэнгэргийн дохиур” болчихсон бөөн асуудал болж байна.
Мөн л Булган аймаг анхдагчаа батлах мэт жүдогийн тамирчин Засаг даргатай болсон билээ. Жилийн өмнөхөн 2020 оны орон нутгийн сонгуулиар сонгогдсон аймгийн шинэхэн Засаг дарга нараас Б.Ариун-Эрдэнэ “салхи хагалж” шинэ машины тендер зарласан билээ. Тэрчлэн жүдочин Засаг даргын 100 хоногт хийсэн ажлаа булганчууддаа тайлагнах “Шинэ хөгжлийн зам” сэтгүүлийг хэвлүүлэхэд 9,3 сая төгрөг зарцуулсан байна. Монголын хамгийн хүн ам цөөтэй аймгийн Засаг ноён 100 хоногийн ажлаа бараг 10 сая төгрөгөөр тайлагнана гэдэг бас л зориг.
Засаг даргын хийсэн бүтээсэн ажлуудад 2020 оны “Ланд круйзер 200” машиныг 210 сая төгрөгөөр худалдан авахаар зарласан тендер нь ороогүй байгаасай. Спорт хөөсөн, Засаг дарга Б.Ариун-Эрдэнэ энэ янзаараа булганчуудад тун өндөр зарлагатай тусах нь дээ. 
Discussion about this post