“Дуурийн” Наранчимэг хүүтэйгээ хоёулаа

Дуурийн театр шинэ залуу дуучдаар цус сэлбэж, тэр хэрээр олон нийт дуурийн театр руу дуурь, балет үзэхээр хошуурах болсон. УДБЭТ-ын гоцлол дуучдын нэг Ш.Наранчимэгийг хүмүүс сайн таньж, сайн дуучин гэж хүндэлдэг. Тэрээр нийтийн дууг мода болгосон МУГЖ С.Жавхлан, Т.Баясгалан хоёртой СУИС-д  нэг ангид тохой нийлүүлэн суралцаж төгссөн. Дууийн дуучны анги дүүргэсэн нэг ангийнхан нь тэр аяараа нийтийн дуунд урваж, хоёр хоёроороо хөтлөлцөн дуулж, олонд хурдан танигдсан. Харин Ш.Наранчимэг дуурийн театрт дуучнаар орж, “холын зайн гүйлт”-энд гүйсэн юм. Энэ нь үр дүнгээ өгч, Ш.Наранчимэг дуурийн театрын нэг өнгө төрх, шигтгээ болсон сайхан дуучин болсон. Ш.Наранчимэг Баянхонгор аймгийн Богд сумын харьяат. Хар багаасаа үерхсэн дунд сургуулийн нэг ангийн хөвгүүнтэй сууж, хөөрхөн хүүтэй болсон. Ш.Наранчимэгийн нөхөр нь сумын даргын хүү гэдэг. Дуучин Наранчимэг хүүгийнхээ ааваас салж, ганц бие бүсгүй болжээ. Гэртээ ээж, хүүтэйгээ амьдардаг Ш.Наранчимэг ээжийнхээ гар хоолыг идчихээд уран бүтээлээсээ өөр юм бодохгүй амьдарч байгаа гэнэ.