“Эрдэнэс таван толгой” компани “Харанга”-ын Чулуунбатаар 39,5 сая төгрөгөөр сүлд дуу, клип хийлгэжээ

“Эрдэнэс таван толгой” сүлд дуугаа “Харанга” хамтлагийн ахлагч Ц.Чулуунбатаар хийлгэжээ. Ингэхдээ тус компани урьдчилж 15,8 сая, төгрөг төлж үлдэгдэлд нь 23,7 сая төгрөг шилжүүлжээ. Ингээд бараг 40 сая шахам төгрөг төлж “Эрдэнэсийн гэрэлт эх орон мину” гэдэг сүлд дуу, клиптэй болжээ. Энэ дууг 2020 оны 11 дүгээр сарын 20-нд youtube-д байршуулсан ч одоо дөрвөн сарын сараа 480 хүн үзэж сонссон гэхээр дэндүү харамсалтай. Үндсэндээ 3эрдэнэс таван толгой” компанийн ажилтнууд ч тоож сонсоогүй гэхэд хилсдэхгүй. 40 саяар бүтсэн ч дөрвөн сарын дотор 400 гаруйхан сонссоныг харахад Монголын нэг уран сайхны кинонд “дөрвөн хөлтэй адгуус гэхэд дэндүү үнэтэй байна” гэдэг үгс санаанд орж байна.  Ядаж “Толин хул”-ын дайны дуу байсан бол яах вэ. Сүлд дуу нь компанийн 10 жилийн ойд зориулсан цогц арга хэмжээний нэг гэнэ. Дууг “Харанга”-ын Чука хийж, “Харанга”-ын Лхагвасүрэн дуулжээ. Клипний хувьд ойд зориулсан байдаг л нэг бүтээл харагдана. Хэн ч тоож сонсохгүй, өөрийн гэх сүлд дуутай байх моод Монголоор нэг таржээ. Дуулсан дуундаа өөрөө уяраад… гэдэг ч энэ дуунд “ЭТТ” компанийхан уярч сонсдоггүй бололтой. Төрийн байгууллага, компани, сургууль гээд хөдөөд баг хүртэл сүлд дуутай болж, мөнгө төлж хийлгэх болсон нь бас л нэг мөнгө үрэх гэж ядсан үр дүнгүй арга гэж шүүмжилж байна шүү.