Соёлын тэргүүний ажилтан, жүжигчин Чоймболын Болдыг “Алтан гадас” одонгоор шагнажээ. Тэрээр “Бодлын хулгайч”, “Богд хаан”, “Боолын гэрээ”, “Бид дөрвийн хайр”, “Босуул” зэрэг кинонд дүр бүтээсэн юм. Түүнээс гадна олны танил болсон цагаас хойш хэл аманд орж яваагүй нэр цэвэр, олонд хүндтэй жүжигчин. МУСТА Ч.Болд “Алтан гадас” одонгоор шагнуулсандаа баярласан сэтгэлээ хуваалцахдаа “Алтан гадас одонгоор төрдөө үнсүүлсэндээ баяртай байна. Миний бие 20 жил кино салбарт 3 багшийнхаа заавар зөвлөгөөгөөр зүтгэлээ. Тун удахгүй буюу энэ сарын 20-нд та бүхэндээ “Монголын сүүлчийн хаан” киногоор бэлэг барих болно” гэжээ.
Discussion about this post