Мисс Ч.Мичидмаагийн дүү Ч.Анун 2008 онд Монгол Улсыг төлөөлж Дэлхийн миссийн тэмцээнд оролцож байсан. 2003 онд нийслэлийн 23-р дунд сургуулийн орос англи хэлний анги, 2003-2005 онд Токиогийн “Олон Улсын бизнесийн сургууль”, 2005 онд Японы “Риккио” их сургуулийн “Олон Улсын Аялал Жуучлалын”-ын ангид сурсан намтартай. Мисс Ч.Мичидмаагийн дүү Ч.Анун Хотын дарга Д.Сумъяабазарыг Уул уурхай, хүнд үйлдвэрийн сайд байхад тус яамны Төрийн захиргаа удирдлагын газрын Гадаад хамтын ажиллагааны хэлтсийн даргаар ажиллаж эхэлсэн. Мисс Ч.Анун Уул уурхай, хүнд үйлдвэрийн сайд ах Д.Сумъяабазарын хамт Японд болсон хөрөнгө оруулалтын форумд оролцсон байдаг. Таван өдөр томилолттой ажилласан энэ үеэр мисс Ч.Анун хоёр өдөр синхрон орчуулга хийгээд 18 сая 735 мянган төгрөг гаргуулан авчээ. Монголчуудын цалин бага, тэр тусмаа орчуулагчдын үнэлэмж сайнгүй. Гэтэл мисс Ч.Анун сайд ахынхаа буянаар Уул уурхайн яаманд хэлтсийн даргаар ажиллаж, хоёр өдөр синхрон орчуулга хийгээд 18 сая 735 мянган төгрөг авсан нь Монголд байхгүй өндөр үнэ ханштай орчуулагч болгожээ. Одоо Хотын дарга болсон Д.Сумъяабазар сүүдэр шиг дагуулж явдаг хайртай эхнэрийнхээ мисс дүүг удахгүй татан авах байх гэлцэж байна.
Discussion about this post