Солонгост эмчлүүлж буй Н.Учрал гишүүн гэр нь шатсан 5 хүүхэдтэй айлд 5 ханатай гэр өгнө

Өчигдөр буюу 2021 оны 01 дүгээр сарын 27-нд СХД-ийн наймдугаар хороо, Зүүнбаян цагааны 3 дугаар гудамжинд шатаж нэг айлын гэр шатсан. Гал унтраахаар очсон Онцгой байдлын алба хаагчид 7 сартай охин, 13 настай хүү, 9 настай охин, 5 настай охин, 2 настай охин гээд нийт таван хүүхдийн амь насыг аварч, хурдан хугацаанд галыг унтраасан. Гадагшаа шөнөдөө -35 градус байхад орон гэргүй, өмсөх хувцасгүй хүүхдүүдийг гэр оронтой болгох талаар хандивын аян өрнүүлсэн ч нэг л сайн үр дүнд хүрээгүй. Тэгвэл бяцхан үрсэд СХД-ээс сонгогдсон УИХ-ын гишүүн Н.Учрал өөрийн ажлын албаараа дамжуулан тусламж үзүүлж, эхний ээлжинд иж бүрэн 5 ханатай гэрийг өгөхөөр болжээ. Гэрийг маргааш хүлээлгэн өгнө.  УИХ-ын гишүүн Н.Учрал эрүүл мэндийн асуудлаар БНСУ-д эмчлүүлж байгаа билээ.