“Apprentice” шоуны хамгийн эерэг үнэлгээтэй оролцогчдын нэг нь Д.Бат-Оюун. Энэ оролцогчийг “Эелдэг, даруухан, хүнтэй нийцтэй, багаар ажиллах чадвартай, хариуцлагатай, оногдсон ажил үүргээ сайн гүйцэтгэдэг” гэж тус шоуны үзэгчид ам сайтай байдаг. Сүүлчийн хоёр дугаарт Д.Бат-Оюуны оролцсон баг ялж, дэмжигчид нь сэтгэл дүүрэн байгаа. Өмнө нь “Ард шоп”-оос ялагчид нэг сая төгрөгийн бэлэг сонгоход аав ээждээ бэлэг авсан Д.Бат-Оюун, Ж.Эрдэнэбаяр хоёрыг ганц бие юм байна шүү гэж залуус бичиж байлаа. Өнгөрсөн ням гарагт гарсан дугаар Д.Бат-Оюун ахлан багаа ялалтад хүргэлээ. Тэрээр “Шоуны турш бид насан туршдаа мартахааргүй олон дурсамж бүтээсний нэг нь багаараа ялалт байгуулж #montblanc үзгээр шагнагдсан явдал минь. Цаашид энэхүү гайхалтай үзгээрээ нэр хүндэд нь дүйцэхүйц олон гэрээ хэлцлийг эх орон, байгууллага, гэр бүл, өөрийн нэрийн өмнөөс үзэглэж байх болноо. Гайхалтай чадварлаг багийн гишүүдтэйгээ гар, сэтгэл нийлж ажилласны хүчинд ийм гоё бэлэг авсандаа туйлын баяртай байгаа учраас үзгэн дээр нь ярьсан ёсоороо нэрийг нь сийлж дэлхийд 3-хан байдаг онцгой үзэг болгож өгөхөө багийн ахлагчийн зүгээс Ж.Эрдэнэбаяр, О.Энхжин 2-тоо амлая. Амьдрал дээр гараад ч гэсэн олон сорилтын өмнө оролцогчидтойгоо хамтдаа нэг баг болж зүтгэх итгэлцэл, нөхөрлөл минь шоуны минь хамгийн гайхам бэлэг юм даа” гэжээ.
Discussion about this post