Хён Бин: Сун Е Жинд баярлалаа

Солонгосын жүжигчин Хён Бин өчигдөр “APAN Star Awards”-ын шилдэг жүжигчин Гранпри шагналыг хүртжээ. Шагналаа гардах үеэрээ хэлсэн үгэндээ “Сун Е Жинд баярлалаа” гэж онцлон хэлжээ. Тэрээр “2021 оныг ийм том шагналтайгаар эхлүүлж байгаадаа баяртай байна. Энэ нэр хүндийг хамгаалахын тулд энэ жил илүү их хичээж ажиллах хэрэгтэй боллоо. Crash Landing on You цуврал одоог хүртэл олон хүнд таалагдсаар байна. Энэ цувралын зөвхөн Солонгос ч биш дэлхийн олон фэнүүдэд баярлалаа. Энэ цувралыг бүтээхэд олон хүн хичээн ажилласан. Зохиолч, найруулагч болон зураг авалтын бүх ажилчдадаа баярлалаа. Авьяаслаг ахмад болон залуу жүжигчидтэй хамтран ажиллах нь надад нэр төрийн хэрэг байсан. Сун Е Жинд баярлалаа. Түүний бүтээсэн Юн Сэ Ригийн дүр Ри Жон Хёгт төгс тохирсон байсан. Баярлалаа. Энэ жил бид кино театрт амны хаалтгүйгээр, баясгалантайгаар уулзах өдөр ирнэ гэж найдаж байна. Эрүүл энх, аз жаргал хүсье. Энэ жил ноднингоос илүү сайхан жил байх болтугай” гэсэн байна.