Машины ченж эр “Транскапитал” ББСБ-ынхыг 33 саяар хахуульдаад машиныг нь авсан хүмүүст шууд зээл олгуулсан ХЭРГЭЭС…
Автомашиныг худалдаа эрхэлдэг Н.Чулуунбаатар нь манай томоохон ББСБ-ын нэг “Транскапитал”-ийн СХД байрладаг төвийн бүсийн эрхлэгч болон хоёр ч санхүүгийн зөвлөхийг бүтэн жилийн турш мөнгөөр угжаад өөрөөс нь машин худалдан авсан хүмүүсд шууд зээл олгуулж байсан хэргийг шүүх шийдвэрлэжээ. Тус төвийн эрхлэгч М.Тауденбек, худалдааны зөвлөх Б.Амгаландэлгэр, Т.Мягмарбаяр нар нь автомашины худалдаа эрхэлдэг хахууль өгөгч Н.Чулуунбаатарын “тээврийн хэрэгсэл худалдан авсан иргэдийн зээлийг богино хугацаанд шуурхай гаргуулах” ашиг сонирхлын үүднээс дээрх иргэдийн зээлийн судалгааг хийж, зээлийн хорооны хурлаар оочер дараалалгүй оруулж хэлэлцэн, өр орлогын харьцаа хэтэрсэн, зээлийн шаардлага хангахгүй иргэдийн зээлийн төрлийг өөрчлөх зэрэг арга хэлбэрээр зээл олгох шийдвэр гаргаж, улмаар зээлийн гэрээ байгуулж, зээл олгох нөхцөлийг бүрдүүлж өөрийн ажлын чиг үүргээ хэрэгжүүлсний хариуд хахууль өгөгчөөс хувийн болон эхнэрүүдийнхээ дансаар үргэлжилсэн үйлдлээр 33,3 сая төгрөгийн хахууль авчээ. Шилжүүлсэн мөнгө нь 50 мянгаас 1,2 сая төгрөгийн хэмжээтэй байжээ. Машины наймаачин хахуулийн мөнгийг голдуу өөрийн эхнэрийн данснаас эрхлэг, худалдааны зөвлөх нарын эхнэрийн данс руу шилжүүлж иржээ. Мөнгийг “ah”, “чука ах” гэсэн гүйлгээний утгатай шилжүүлдэг. Шүүх “Транскапитал”-ын экс ажилтнуудыг таван сая, машины худалдаа эрхлэгчийг дөрвөн сая төгрөгөөр торгожээ.
Discussion about this post