Монголын тэргүүн баян 30 гэр бүлийн толгой нь МАК-ийн Нямтайширийнх. Ууган хүү Н.Номтойбаяраа улс төрд оруулж, Н.Номтойбаяр гурвантаа УИХ-д сонгогдов. Одоо Шадар сайд хэмээх сэтэртэй, ерөнхийдөө Оюук, Амарбаясгалан хоёрыг фракцыг түших маягтай улс төр хийж яваа. Анх улстөрд оруулсан хүн нь яах аргагүй ерөнхийлөгч У.Хүрэлсүх. Ямартаа л анх 2012 онд УИХ-ын сонгуульд нэр дэвшиж байхдаа фэйсбүүктээ “Би Хүрэлсүхэд 600 сая төгрөг өгсөн” гэж согтуурхан бичиж, согтуу зургаа сошиалд цацаж байлаа. Улс төрд унаж босож, 2 жил шахам хоригдож ч үзэв. Анх Женкогийн захиалгаар хоригдсон гэж ээж Хулан нь мэдэгдэж байсан ч одоо эдүгээгийн төрийн тэргүүнийг харддаг юм уу даа. Тиймээс Оюукийн хааяаг бараадаж “хонио шахан буусан”.
Н.Номтойбаяр 2024 оны УИХ-ын сонгуульд Үндэсний эвсэл байгуулан оролцсон нь амжилт олж, А.Ундраа, Пүрэвдаваа нарын гишүүнтэй болчихоод буй. Ирэх 2027 оны сонгуульд ч нэр дэвшүүлэх эрх өвөртөлсөн. Тиймээс аавыгаа нэр дэвшүүлнэ гэх яриа гарч байна. Гүүглд мөргүй, цахимд хаяггүй Б.Нямтайшир ч гуай ч цахимд идэвхжиж өөрийгөө магтсан мэдээг бүр төлбөр төлж байгаад өргөн хүрээнд цацах болж. Хүү нь намын дарга, аав нь тухайн намаас нэр дэвших зохимжгүй. Тиймээс А.Ундрааг саяхан намын дарга болгож, аавыгаа ерөнхийлөгчийн сонгуульд сойж байна гэлцэнэ. 
Discussion about this post