12 сая төгрөгийн тооцооноос болж “Чили” тайчих клубд хутга гарган танхайрсан компанийн захирлуудын ХЭРГЭЭС…

12 сая төгрөгийн тооцооноос болж “Чили” тайчих клубд хутга гарган танхайрсан компанийн захирлуудын ХЭРГЭЭС…

  Энэ хэргийн үеэр  хутга гаргах, зүй бус үг хэллэгээр хараахаас гадна бэлгийн гаж үйлдэл гаргасан тул хэрэгт холбогдогчдийн нэрийг зарлахаас түдгэлзэв. 2023-2024 онд Хан-Уул дүүргийн 11-р хорооны Зайсангийн гудамжинд орших “Грийп Монголиа групп”-ийн “Чили” тайчих клубыг урьд нь гурван удаа ял шийтгүүлж байсан “Д…” компанийн захирал Т.Г, нэг удаа ял шийтгүүлж байсан “Л…” компанийн захирал Э.Б, мөн Увсын харьяат У.М нар нь хэдэнтээ түйвээж жинхэнэ хар дарсан зүүд нь болжээ. Үүнээс хамгийн ноцтой нь 2024 оны 2-р сарын 18-19-нд шилжих шөнө болжээ.

 Хэрэгт авагдсан баримтаар  тус клубийн менежер, ажилчдад хутга тулган айлган сүрдүүлж үйлчилгээний төлбөрийг төлөхгүй байх зорилгоор хүч хэрэглэсэн буюу хэрэглэхээр заналхийлж, тус клубын менежер, ажилчдын бие махбодод халдсан, эрүүл мэндэд нь аюултай хохирол хор уршиг учруулна, өмч хөрөнгийг устгана гэх зэргээр бие, сэтгэл зүйн шинж чанартай дарамт, хүчирхийлэл үзүүлж тус өдрийн үйлчилгээний төлбөр болох 12,945,000 төгрөгийг төлөөгүй гэжээ. Тухайн өдөр тэд “цагдаа дээр асуудалтай байна, стрессээ тайлна” хэмээн оройн 21 цагийн үед оржээ. Клубын менежер “Намайг “босоод ир, танай зөөгч нар чинь яаж ажлаа хийгээд байгаа юм бэ” гээд зүүн шанаа руу Г нь 2-3 удаа цохисон. Куртикнийхээ зүүн дотор халааснаас эвхэгддэггүй нэг даавуу шиг юмаар ороочихсон хутга гаргаж ирээд намайг буйдан руу шахаж байгаад нүдний доод үзүүрээс шанааны доод хэсэг хүртэл гүйлгэсэн”,  “Г нь над дээр ирээд “за яасан ахыгаа мартчихсан уу, намайг ирчхээд байхад яагаад мэдэхгүй байгаа юм” гэхэд өрөөнд оруулаад бас охидоо оруулсан. Тухайн хүмүүс өглөө 08 цаг 30 минут хүртэл сууж байгаад гарцгаасан. Манай охидыг гаргахгүй архиар шахаад, намайг дуудаж тэр гичийнүүдээ олж ир тэгэхгүй бол гарахгүй шүү гэж дарамталсан.

 Тооцоо нь 12 сая 455 мянган төгрөг болсон ч тухайн өдөр огт төлөөгүй. Э.Б нь чи одоо надаас авах гээд байгаа юм уу, дараа нь төлье п-да минь гээд гараад явсан. Дараа нь М-тай холбогдож нэхэхэд “бид тийм их мөнгөөр уугаагүй” гээд 6,5 сая төгрөгийг нь өгсөн. Үлдсэн төлбөрийг би өөрийнхөө цалингаас хасуулаад төлж байна” гэжээ. Тайчигч хүүхнүүд “Тэд үзүүлбэр авья гээд 12 бүжигчин ороод бид тавыг шилж үлдээсэн. Биднийг бүжиглэж байхад гэнэт өмдөө тайлаад гар хангалга хийсэн. Та нараас илүү зүйл хүсэхгүй, наанаа бүжиглээд байж бай гээд цаашаа хар наашаа хар, дөрвөн хөллө гэсэн. Танай охидын аманд мөнгө чихэж байгаад ш-на, эсвэл чиний хүзүүнд заазуур тулгаж байгаад ш-на гэх зүйл ярьж дарамталсан. Бөх байрын залуу нь бэлгэвч аваад энд хийх үү, эсвэл ариун цэврийн өрөө орж хийх үү гэсэн. Мөн миний дотуур хувцсыг тайлах гэсэн ч би тайлуулаагүй. Бас бөгс рүү нэг удаа чанга алгадсан. Тэдэнтэй хамт шөнийн 01 цагаас өглөө 07 цаг хүртэл байсан. Манай бүжигчид тэр хүмүүсээс маш их айдаг болсон”, “Тухайн үед зөвхөн дотуур хувцастайгаа буюу слиптэй байсан. Миний слипийг тайлах гэхэд нь би нэлээд эсэргүүцсэн. Сүүлдээ аргаа бараад зугтааж буйдан дээр суутал хойноос ирээд ариун цэврийн өрөө орж с-с хийе, миний …-ийг хөхөж чадах уу, би чамд хүссэнийг чинь өгье гээд байсан. Увс аймгийнх гэдгийг нь мэдээд энэ зун 100 жилээр нь очно гэхэд  тэгвэл би чамайг Увсад очоод х-ндэнэ гэсэн” гэжээ.

Шүүгдэгч Т.Г нь 38 хоног, У.М нь 31 хоног, Э.Б нь 17 хоног цагдан хоригджээ. Анхан шатны шүүх тэднийг “Нийтийн хэв журмыг бүлэглэн зөрчиж, аж ахуйн нэгж, байгууллагын хэвийн үйл ажиллагаа алдагдуулсан” гэм буруутайд тооцож Т.Г-д 1,6 жил, Э.Б-д 1,3 жил, У.М-д нэг жилийн зорчих эрхийг хязгаарлах ял оноожээ. Гэсэн ч прокуророос эсэргүүцэл гаргасан гэнэ.

Энэ хэрэгт шөнийн 04 цаг хүртэл ажиллах зөвшөөрөлтэй атлаа цаг хэтрүүлэн ажилласан “Чили” тайчих клуб ч бас буруутай…