УИХ-ын гишүүн асан А.Ундраагийн жиргээ олны анхаарлыг татаж байна. А.Ундрааг 29 насандаа цөмийн физикээр АНУ-д доктор хамгаалсан, Стэнфордын их сургуульд зочин эрдэмтнээр ажиллаж явсан МАН-ын төдийгүй манай манлай эрдэмтэн бүсгүйчүүдийн нэг.
А.Ундраа “Зах зээлийн эдийн засагт шилжих үеийн шилжилтийн менежментийг буруу хийсэн Бямбасүрэн гуайн муу шийдвэрийн лай ланчигийг 30 жилийн дараа ч Монголчууд бид үүрсээр. Ж ишээнь 20 дугаар тогтоол гамшиг байсан. Буруу зөнөсөн өвгөнийг PR-д ашиглах ахмад настны эрхийн зөрчил шүү, найруулагчаа!” гэж жиргэж, түүгээр барахгүй “Ингэж амьдарснаас үхсэн дээр” гэсэн утгатай хатуу үг хэлэв.
Ерөнхий сайд асан Дашийн Бямбасүрэн гуай 1942 онд төрсөн. Дашийн Бямбасүрэн гуайтай нас чацуу буюу 1942 онд төрсөн Жо Баден АНУ-ын ерөнхийлөгчөөр сонгогдон өнөө маргаашгүй тангараг өргөх өдрөө хүлээн буй. Халаагаа өгч байгаа 1946 онд төрсөн Доналд Трампыг дахиад нэр дэвших боломжтой гэж үзэж байна. Харин манайд 40-50 настнуудаа зайгаа тавь гэж ил хэлэх болсон. АНУ-д доктор хамгаалсан эрдэмтэн эмэгтэй 80 нас ч хүрээгүй Д.Бямбасүрэн гуайг ингэж адлах.
Монголчууд Клинт Инствүдийн бүтээл “Richard Jewell” киног шимтэн үзэж байна. Найруулагч, жүжигчин Клинт Инствүд 90 нас хүрч байгаа. Энэ кино 2019 оны 12 дугаар сарын 13-нд нээлтээ хийсэн. Авъяас чадвар, туршлага мэдлэг өтөлж хөгширдөггүйн тод жишээ. Харин Монголын шилдэг бүсгүйчүүдийн нэг, тэргүүлэх эрдэмтэн А.Ундраа ийм үг хэлж суугаа нь харамсалтай.
WWW.TAIZ.MN
Discussion about this post