Жил бүрийн 5 сарын 5-нд БНСУ-д Хүүхдийн баярыг (어린이날) өргөн дэлгэр тэмдэглэдэг. Энэхүү баярыг 1923 оноос тэмдэглэж эхэлж, 1975 оноос албан ёсоор амардаг болжээ. Энэ өдөр хот, тосгонд хүүхдийн уралдаан тэмцээн явагдаж, багт наадам зохион байгуулдаг уламжлалтай.
Хүүхдийн баярыг тохиолдуулан BTS хамтлагийн гишүүн Jin Сөүл хотын хүүхдийн эмнэлэгт 100 сая вон хандивласан байна. Дуучин залуу “Өвдөөд эмчлүүлж байгаа хүүхдүүдийг харах болгонд зүрх өвддөг. Миний энэ багахан хандив хүүхдүүд хурдан эдгэрч, найзуудтайгаа тоглоход нь тус болоосой гэж хүсэж байна” гэжээ.
Мөн дуучин IU нийт 150 сая вон хандивласан байна.
Жүжигчин Кim Go Eun Солонгосын хүүхдийн баярын өдрийг тохиолдуулан Сөүлийн Их сургуулийн Хүүхдийн эмнэлэгт 50 сая вон хандивласан байна. Жүжигчин бүсгүй 5 жил дараалан хүүхдийн баярын өдөр Сөүлийн их сургуулийн Хүүхдийн эмнэлэгт хандив өргөжээ.
Discussion about this post