Японы Шизүока мужийн Изүнокүни хотын эмэгтэй гал командын багт монгол бүсгүй элсэн орлоо. Тэр бол тус хотын олон улсын харилцааны ажилтан Чинбатын Анун юм. Тэрбээр орон нутагт зохион байгуулагдаж байгаа гамшгийн эсрэг сургалтад оролцож, “Байгалийн гамшиг тохиолдох үед Япон оронд тус дэм болохыг хүсэж байна. Энд сурсан зүйлээ Монгол эх орондоо ашиглах зорилготой” гэж сэтгүүлчдэд ярьжээ.
Ч.Анун өнгөрсөн жилийн долоодугаар сард Изүнокүни хотын гадаад харилцааны ажилтан болсон аж. Энэ хот 2015 онд Монгол улстай ах дүүгийн харилцаа тогтоосон бөгөөд ирэх онд 10 жилийн ойгоо тэмдэглэнэ. Тэрбээр энэ ой хүртэл Олон улсын харилцааны зохицуулагчаар Изүнокүни хотод ажиллах юм.
Японы Онцгой байдалд ажиллаж буй Ч.Анун урьд нь Уул уурхай, хүнд үйлдвэрийн яамны Төрийн захирггаа, удирдлагын газрын Гадаад хамтын ажиллагааны хэлтсийн дарга байсан. Энэ үед хүргэн ах Д.Сумъяабазар сайдын хүчээр орлоо гэж байлаа. Ч.Анун нь Монголын мисс Ч.Мичидмаагийн дүү. Ч.Анун 2008 онд Монгол Улсаа төлөөлөн “Дэлхийн мисс-2008” тэмцээнд оролцож байсан. Мөн тэрбээр дампуурсан Анод банкны гурван захирлын нэг Э.Гүр-Аранзын бэр. Э.Гүр-Аранзын хүү Г.Төгөлдөр ах Д.Сумъяабазарын буянаар Сонгинохайрхан дүүргээс НИТХ-д сонгогдож, НАМЗХ-ны удирдлагын багт багтсан билээ.
()
Discussion about this post