Дуучин Г.Эрдэнэчимэг 2008 оноос нийтийн дууны ханхүү Самандын Жавхлантай хамт амьдарч эхэлсэн. Тэд 4 хүүхдийн аав ээж болж, “Шуранхай”-н Эрдэнэчимэг Алдарт эх болсон билээ. Өнгөрсөн жилээс тэднийг салсан тухай яриа гарах болсон ч гэр бүлийн хоёрын хэн нь ч энэ талаар ам нээж хариулт өгөөгүй. Харин МУГЖ Т.Баясгалан “Аль хэдийн хувийн амьдралд нь өөрчлөлт орсон улсын надаас боллоо гэх нь утгагүй” гэж хэлсэн нь олны хардлагыг лавшруулав. Жавхлан, Баясгалан хоёр сайн дуучин, хослон дуулахаараа бүр хосгүй гэхэд болно. Тиймээс ч С.Жавхлан хань ижил Г.Эрдэнэчимэгээс илүү Т.Баясгалантай дуулсан дуу нь илүү хүмүүст хүрдэг. 10 хол давсан жил ханилсан С.Жавхлан, Г.Эрдэнэчимэг хоёр “Хар хархан харц”, “Болно доо, хоёулаа” тэргүүтэй цөөнгүй дуу дуулсан ч С.Жавхлан, Т.Баясгалангийн хамтралыг нэг л давахгүй.
Өнгөрсөн жил дуучин Г.Эрдэнэчимэг “Огторгуйн охин” тоглолтоо хийж цахиур хагалав. Дуучин Б.Алтанжаргалтай хамтарсан нь нүдээ чихээ олсон сонголт гэлтэй. Юутай ч дуучин Г.Эрдэнэчимэг Хан хүүгээр дутахгүй хангалтай уран бүтээлтэй болж, өөрийн орон зайг бүтээж, үзэгч дэмжигчээ цуглуулж чаджээ гэдгээ одоо ч харуулсаар, өдрөөс өдөрт өнгө жавхаа нэмэн гялалзсаар явна.
()
Discussion about this post