Дуучин Л.Солонго охинтой боллоо

Дуучин Л.Солонго охинтой болжээ. Тэр “Үзэсгэлэнт 30 хэдэн нас минь, сүйт бүсгүй, мөрөөдлийн хурим, бяцхан гүнжээ өлгийдөн авсан баяр дээр баяр нэмсэн торгон мөчүүдээр дүүрэн сайхан жил тохиолоо. Нас нэмэх тусам ухаажихаас гадна эмэгтэй хүн нялх үрээ тэврээд улам нялхарч эмзэг уяхан болдог юм байна. Бүл нэмлээ, бүгдийг амжуулна гэж сэтгэл хөвсөлзөн гэгэлзэж #төрсөн_өдрөө угтлаа. Амьдрал сайхаан. Өөртөө, гэр бүлдээ хүсдэг хамгийн сайн сайхан бүхнийг та нартаа хүсье” гэжээ.

 Ардын жүжигчин А.Долгорын амин шавь, Болгарт их сургуульд сурч төгссөн залуухан дуучин Л.Солонго өөрөөсөө үе мултарсан бизнесмэнтэй холбогдон олныг цочоож билээ. Одоо тэд хамт амьдраад 10 гаруй жил өнгөрч, 5 хүүхдийн ээж аав болжээ.

  Дэд сайд асан М.Хүрэлсүх, дуучин Л.Солонго энэ жил нижгэр хурим хийж, энэ амьдралдаа эргэлт буцалтгүй нэгэн бат гэр бүл болсноо найз нөхөд, олон нийтийн өмнө зарласан билээ.

Шөнийн захын эзэн буюу “Нар Мон” ХХК-ны захирал М.Хүрэлсүх нь Иргэний Зориг намын гол санхүүжүүлэгч байж, Байгаль орчин, ногоон хөгжлийн яамны дэд сайдаар ажиллаж байлаа. “Нар Мон” компанийн захирал М.Хүрэлсүх Баянхонгор аймгийн Бууцагаан сумын харъяат. Төрсөн нутаг Баянхонгор аймагтаа удаа дараа нэр дэвшсэн ч байнга өвдөг шороодсон нэгэн.

Улстөрч, бизнесмэн М.Хүрэлсүх авааль гэргий Бадмаагаасаа туурга тусгаарлаж, өөрөөсөө 20 гаруй насаар дүү дуучин Солонготой гэр бүл болсон. Залуу дуучин Л.Солонго эмэгтэй хүний гоо үзэсгэлэн ид бүрддэг 25 настайдаа өөрөөсөө хоёр үе мултарсан ах М.Хүрэлсүхтэй хамт амьдарч эхэлсэн.  Л.Солонго Болгарын Софи хотын дуу хөгжмийн дээд сургууль төгссөн, авъяаслаг, ирээдүйтэй дуучин бүсгүй.  Л.Солонго СУИС-ийг Ардын жүжигчин А.Долгорын удирдлагад төгсөж, уран бүтээлийн “Хүслийн бороо” цомгоо гаргасан билээ. Дуучин Л.Солонго анхны цомгийнхоо нээлтээ хийхдээ, МУСТА цол тэмдгээр шагнуулсан.

М.Хүрэлсүх дууны шүлэг бичдэг болохоор дуучин Л.Солонготой  анх танилцсан аж. Насны хол зөрүүтэй хосыг удахгүй сална гэлцсэн ч улам дотносож, хамтдаа бизнес эрхлэн, бизнес нь улам өргөжсөөр….М.Хүрэлсүх “Нарантуул” захын хажууд байдаг шөнийн захын эзэн, захынхаа хажууд есөн давхар барилга бариулж, үл хөдлөх хөрөнгийн бизнест хөл тавьсан бэлтэй эр. 

()