Одоо хүмүүс улам энгийн хэрэглээг эрхэмлэж баячууд даруухан зүйлээр гоёхыг эрхэмлэдэг ч, үндэснийхээ баяр наадам, цагаан сараар хамгийн хурц тод үнэтэй эдлэлээр дэгжирхдэг. Цагаан сараар улстөрчдийн гоёл олны анхаарлыг татдаг бол наадмаар хүчит бөхчүүдийн гэргий нар л наадмын талбайг чимдэг. Сүүлийн үед наадмын талбайд бөхчүүдийн эхнэрийн гоёлыг бут цохидог хоёр ганган ээж тодроод байгаа нь Их аварга Асашёорюү Дагвадорж, аварга Д.Сумъяабазар нарын ээж Пүрэвбадам, нөгөө нь алдартай уяач “Макс”-ын Ганбаатар, Цэрэнжигмэд нарын ээж хоёр. Нэгийнх нь хөвгүүд бөхийн дэвжээнд ааглаж, нөгөөгийнх нь хөвгүүд морины хурдаар гайхуулдаг сайхан хөвгүүд төрүүлсэн буянтай ээж нар үр хүүхдийнхээ буяныг алд биедээ шингээх шиг болж, үнэт торго, алт мөнгөн эдлэлээр өвч гоёдог нь наадамчин олны нүдийг хужирлах шиг болдог.
Тэр жилийн наадмаар хоёр ч эртний эдлэлийн дэлгүүр ажиллуулдаг Пүрэвбадам гуай цул мөнгөн цүнх барьж, алтан шармал гутал өмссөнөөр “Макс”-ын ээжийг давж гарсан гэлцдэг. Энэ хоёр буянтай ээж бас өөр юмаараа өрсөлддөг. “Монголын сайхан бүсгүй” тэмцээнээс алтан эрдэнийн өргөмжлөл хүртсэн мисс бэр болох Мичидмаагаар Пүрэвбадам гуай, “Макс” Ганбаагийн ээж мөн л алтан эрдэнийн өргөмжлөлт мисс бэр Уянгалянхуагаараа чимж явдаг гэх юм билээ. Наадмын талбайг чимдэг хоёр алдарт хоёр ээжийн хооронд битүүхэн өрсөлдөөн байж бие биенийгээ намжиртайхан ширтэж, өмсгөл зүүлт, гоёл чимгээ далдхан дэнсэлж суудаг гэсэн яриа олны амнаас гардаг. Японы сумогийн их аварга Дагвадоржтойгоо хамт явбал Пүрэвбадам гуайг дэлхий дахин мэднэ, харин “Макс” Гамбаа хэдэн хурдан морио хөтлөөд ээжтэйгээ хамт Монголоос гарахад л хэн ч танихгүй болохоор Пүрэвбадам гуайг аргагүй “том” ээж гэх юм билээ. Гэхдээ Америкт морин тойруулгад “Макс” Ганбаатарын морь хурдалж эхэлсэн.
Саяхан бас нэг ганган ээж гарч ирсэн нь шинэ монгол баячуудын нэг “Алтай констракш”-ы Бат-Эрдэнийн ээж. Алтан оройвчтой малгай өмсөж гаргасан тэрбээр хүүгийнхээ буянаар хүний эдлээгүйг эдэлж явна.
Discussion about this post