Ирина Шейк, Вито Шнабел хоёрын болзоо, хайр сэтгэлийн харилцаа их хэл ам дагуулсан. Топ модель Ирина Шейк, урлагийн наймаачин Вито Шнабелтэй Нью-Йоркт алхаж байхыг папарацциуд анх олж харж, зургийг нь авсан юм. Дараа нь Ирина Шейк шинэ найз залуугийнхаа байр руу явж байгаад “баригджээ”. Байнга папарацидуулдаг болохоор тэд харилцаагаа нуудаггүй, нуугддаггүй гэж хэлэх нь зөв байх. Харин Ирина Шейкийн шүтэн бишрэгчид бүгд түүний сонголтыг үнэлсэнгүй, харамсаж байгаа. Учир нь 33 настай Шнабелд Холливудын бүсгүйчүүдийн эрлэг гэж болно. Нью-Йорк дахь хэд хэдэн галерейн эзэн Вито Шнабел 90-ээд оны супермодель Элле Макферсон, Жоони Деппийн эхнэр байсан Эмбер Херд, Лив Тайлер нартай романтик харилцаатай байж, олны танил болсон. Мөн топ модель Хайди Клумтай удаан хугацааны холбоотой байв. Деми Мур, тэрбумтан Абрамовичийн экс гэргий Даша Жуковатай хэсэг зугаалсан. Вито зөвхөн олонд танигдсан гоо үзэсгэлэнтэй, цуутай бүсгүйг хос болгон сонгодог. Нью Йорк хотод төрж өссөн, урлагийн наймаачин, галарейн эзэн Вито Шнабелийг Ирина Шейктэй гэрлэх эсэх нь эргэлзээтэй болохоор оросууд илүү шүүмжилж байна. 
Discussion about this post