САХИУСАН ДАРА ЭХ

2002 онд Монгол Улсын Засгийн газрын Түүх, соёлын хосгүй үнэт өвд,

2014 онд ЮНЕСКО-ийн Ази-Номхон далайн бүс нутгийн өвд бүртгэгдсэн.

XX зууны эхэн үед Гандантэгчинлин хийдийн гүн ухааны гурван дацангийн нэгний гэвш, Монгол Улсын Судар бичгийн хүрээлэнгийн жинхэнэ гишүүн, эрдэмтэн С.Шагжийн (1886-1938) бүтээсэн “Сахиусан дара эх” буюу Ногоон, Цагаан Дара эхийн төвд бичмэл судар.

Нийтдээ төвд хэлний 62 шүлэг буюу бадаг, 250 шад буюу мөр, 5718 үсгийн тэмдэгт, 2510 цэг шад, бүхэлдээ 8228 тэмдэгтийг багтаасан, уран чадвар, урлахуй ухааны гайхамшгийг харуулсан бүтээл юм.

Эрдэмтэн С.Шагж тус номыг бүтээхдээ зуны хурц нартай өдөр гэрийнхээ өрхийг битүүлэн татаад хуруу хэрийн нүх гаргаж түүгээр туссан алганы толион чинээ нарны хурц гэрэлд маш нарийн үзүүртэй үзэг буюу бийрээр бичдэг байсан гэлцдэг.