Төрийн өмчит үйлдвэрийн удирдах албан тушаалтан бусдаас хахууль авч 4 тэрбум гаруй төгрөгөөр Лондонд дөрвөн өрөө хаус худалдан авсан тухай АТГ-аас мэдээлж байв. Энэ хүн бол “Эрдэнэт”-ийн боссуудын нэг З.Ганбаатар.
Энэ байрыг зараагүй, харин 5000 паундаар түрээслээд энэ мөнгийг Эрдэнэт хотын асрамжийн хүүхдүүдийн англи хэлний сургалтад зарцуулах болсон байна. Энэ талаар:
АТГ-ын дэд дарга, эрхэлсэн комиссар Г.Азжаргал:
-АТГ авлигын суурь шалтгааныг арилгах, улсаас хулгайлагдсан хөрөнгийг буцаах, хохирол нөхөн төлүүлэх ажлыг хийж байгаа. Гэмт хэрэгтэй тэмцэх ажил явдгаараа явна. Үүний хажуугаар АТГ авлигаас урьдчилан сэргийлэх ажлыг бас хийдэг. Авлигын суурь шалтгаан нь улсын эдийн засгийн өсөлтөд нөлөөлдөг. Тиймээс төрийн өмчит компанийг олон нийт хянах, улс төрийн намын санхүүжилтийг өөрчлөн засах, төрийн албаны томилгоог шударга болгох зэрэг тогтолцооны шинжтэй ажлуудыг хийж байна.
АТГ-ын мөрдөн шалгасан хэргийн шүүхээр шийдвэрлэлт 2017 оноос хойш жил тутам нэмэгдэж байгаа. Үүнтэй зэрэгцэн авлигын гэмт хэргийн улмаас учирсан хохирол нөхөн төлүүлэлт мөн эрс нэмэгдсэн. 2021 онд 96.2 тэрбум төгрөг байсан бол 2022 онд өнөөдрийн байдлаар 2.3 их наяд төгрөгийн хохирлыг АТГ мөрдөн байцаалтын шатанд төлүүлж улсад буцаан олгосон. Авлигын мөнгөөр Лондон хотод худалдан авсан 4.3 тэрбум төгрөгийн байрыг Монгол Улсад буцаан авчирсан. Гэхдээ энэ байрыг зарахгүй, харин 5000 паундаар түрээслээд, энэ мөнгөөр Эрдэнэт хотын асрамжийн газрын хүүхдүүдийн англи хэлний сургалтад зарцуулах болсон. Үүнээс гадна АТГ-ын ажлын үр дүнд автомашины азын дугаарыг дуудлага худалдаагаар борлуулж, орлогоор нь олон улсын тэмцээн уралдаанд оролцох хүүхдүүдийг дэмжиж байгаа.
2.3 их наяд төгрөг улсад буцаан төлөгдөж байгаа нь сайшаалтай боловч энэ нь манай улс оронд томоохон реформ хийхийг шаардаж байгааг илтгэж байна…хэмээн ярилцлага өгчээ.
https://taiz.mn/11950.html
()
Discussion about this post