Жүжигчин Чоймболын Болд 2000 оноос хойш олны танил болсон манай чадвар чансаатай жүжигчидийн нэг. Тоглосон кино нь “Богд хаан”, “Бодлын хулгайч”, “Боолын гэрээ”, “Хүдэн”, Надтай гэрлээч” зэрэг УСК, “Мөрдөгч”, “Бид дөрвийн хайр”, “Эрвээйхэйн сүүдэр” зэрэг Монголдоо хамгийн олон хүн үзсэн, олны сонирхол татсан бүтээлийн гол дүрд тоглосон. Одоо Унгар улсад “Фантастик”-ийн Баярбат, Барслхагва, УДЭТ-т байсан жүжигчин Баттөр нартай Холливудын кино төсөлд оролцон, Бат хааны дүрд Чоймболын Болд шалгарсан, аргагүй л урлагийн бурхан тэнгэр харж түшиж яваа залуу. Ч.Болд олон жил амжилттай кинонд тоглосон ч архи дарс, эхнэр хүүхэн, зодоон цохионд нэр холбогдож яваагүй даруухан залуу. Тиймээс ч Монголын кино урлагийн эерэг дүрийн ганц “баатар” биз. Тоглосон кинонд нь эсрэг дүр байхгүй.
Хувийн амьдралаа яриад явдаггүй нууцлаг Ч.Болдыг орос эхнэртэй, насанд хүрч яваа ганц охинтой гэлцдэг. Тэр ч үнэний хувьтай. Харин сүүлийн үед тэр хувийн амьдралдаа огцом өөрчлөлт хийж, “Honeymoon” хамтлагийн ахлагч Б.Солонготой амьдарч хүүтэй болсон гэлцэнэ. Юутай ч Болд, Солонго хоёр хамт амьдраад 2 жил гаруй болж буй. Ковид 19 цар тахлын ид үед хамтдаа халдварт өвчнийг эмчлүүлж яваад олны хараанд өртсөн. Б.Солонго одоо “Маск” продакшнд харъяалагддаг.
Одоо ид олны анхаарлыг татаж буй “Эрвэйхэйн сүүдэр” 20 ангит кинонд Чоймболын Болд амжилттай тоглож, шүүмжлэлийн үг, талархал хоёрыг зэрэг сонсож байна. Тус киноны найруулагч Сувидын Баттулга “Дандаа эерэг дүрд тоглодог Ч.Болдыг эвдэж, эсрэг дүрд тоглуулъя” гэж бодсон хэмээн ярьсан. Ямартаа ч 20 шахам жил ханилсан ханиасаа салсан үе, одооны хит “Эрвэйхэйн сүүдэр” олон ангит киноны дүрд тоглохтой давхцан, хувийн амьдрал нь дахиад олны анхааралд орж ирлээ.
()
Discussion about this post