Миссийн тэмцээнд оролцож, загварын тайзан дээр алхаагүй ч олны дунд гоо сайхнаараа алдаршсан нэгэн бүсгүй бий. Энэ бол “Хархорин” захын өв залгамжлагч Л.Цэгцбаатартай анх гэрлэж, дараа нь УИХ-ын гишүүн асан Н.Номтойбаяртой албан ёсоор гэрлэсэн, хоёр охиных нь ээж Б.Мандхай. Б.Мандхай анхны нөхөр Л.Цэгцбаатарыг топ модель Д.Пүрэвсүрэнтэй нууцаар уулзаж, араар нь тавьсныг мэдмэгцээ салах өргөдлөө өгчихсөн гэдэг. Энэ явдал Пүүжээг Мянгаагаас салсны дараахан 2005 онд болсон явдал. Б.Мандхай долоон жил ганцаараа охиноо өсгөж амьдарсны эцэст тэр үедээ ид мандаж явсан залуухан сайд, УИХ-ын гишүүн Нямтайширийн Номтойбаяртай гэрлэсэн. Н.Номтойбаяр 2012 оны 6 дугаар сард анх УИХ-ын болсон. Тэр намраа 9 дүгээр сард Тэрэлжид Б.Мандхайтай хуримаа хийж, албан ёсоор гэрлэсэн. Одоогоор энэ Н.Номтойбаярын амьдрал дахь цорын ганц хурим. Тиймээс бүсгүйчүүд энэ Мандхай саятан, тэрбумтантай хэрхэн гэрлэх вэ гэсэн ном бичвэл сайн зарагдана гэлцэх болсон. Н.Номтойбаяр, Б.Мандхай хоёрын жаргалтай амьдрал хоёр жил л үргэлжилсэн гэлцдэг. УИХ-ын гишүүн Н.Номтойбаяр 2014 оноос “Киви” хамтлагийн Агийтай зугаалж эхэлсэн. Хамтдаа Герман явж, нисдэг тэргээр Алтай таван Богдод очиж, Агий, Н.Номтойбаяр хоёр салахаа байсан үе бий. Ямартаа л хамтдаа Булган аймгийн нутаг дэвсгэр Түлүүгийн даваанд явж байгаад мотоцикльтой хүн дайрч амь насыг нь хохироосон. Энэ үеэс хойш Н.Номтойбаяр нэг л барцадтай болсон. Одоо төрийн ордноос Ганц худагт хоригдож, шүүхээс ял сонссон анхны хүн гэхэд болно. Хамтдаа хэл амны бай болж, 4-5 жил хамт байсан Агий, Н.Номтойбаяр хоёр хамт амьдарсангүй. Н.Номтойбаяр 2019 оны 5 дугаар сард Э.Номин-Эрдэнэ гэгч бүсгүйтэй албан ёсоор гэрлэж, хүүтэй болсон. Н.Номтойбаярын хүү нэг ойгоо өнгөрсөн 5 дугаар сард тэмдэглэсэн. Энэ явдал Агийд хүнд цохилт болж, “Киви” хамтлагаасаа гарч нам гүмхэн амьдрахыг илүүд үзэх болжээ.
Б.Мандхай, Н.Номтойбаяраас албан ёсоор салаад гурван жил боллоо. Саяхнаас төрийн тэргүүн Х.Баттулгын ууган хүү Б.Жавхлантай болзож байгаа гэж мэдээ гарч эхэлжээ.
Discussion about this post