Норвегийн гүнж Марта Луйз африк сүйт залуутайгаа ажиллаж, амьдрахын тулд язгууртны хэргэмээсээ татгалзжээ.
51 настай гүнжийн сүйт залуу нь өөрийгөө 6 дахь үеийн зайран гэж өргөмжилдөг Африк гаралтай АНУ-ын иргэн, 47 настай Дурек Веррет.
Веррет хорт хавдар, Covid-19 өвчнийг эмчлэх талаар өөрийн онолыг боловсруулснаа ном болгон хэвлүүлж, мөн “Spirit Optimizer” нэртэй вэб сайт ажиллуулдаг.
“Shaman Durek” нэрээр алдаршсан эрийг дагагчдын дотор Гвинет Пэлтроу, Антонио Бандерас зэрэг Холливудын алдартнууд байдаг ажээ.
Гүнжийн энэ амьдрал, энэ сонголь Норвегийн иргэдийн дунд маргаантай сэдэв болоод буй.
Судалгаанд оролцсон Норвегийн иргэдийн 17 хувь нь гүнж, зайран хоёрын харилцаанаас шалтгаалан тус улсын хааны гэр бүлд хандах хандлагаа өөрчилсөн гэж хариулжээ.
Марта Луйз одоогоос эхлэн Норвегийн хааны гэр бүлийг төлөөлөхгүй ч Верреттэй гэрлэх хүртлээ гүнжийн хэргэмийг зүүсэн хэвээр байх аж.
Өмнөх гэрлэлтээсээ төрүүлсэн гурван хүүхэдтэй Марта цаашдаа сүйт залуугийнхаа анагаах ухааны бизнест хамтарч ажиллахаар санаа шулуудсанаа сошиал хуудсандаа бичсэн байна.
()
Discussion about this post