“Чингис хаан” музей том хүнд 30,000, оюутанд 25,000, гэр бүлд 20,000 төгрөгийн үнэтэйгээр үйлчилнэ

“Чингис хаан” хаад, язгууртны музейн нээлтийн ёслолтой холбогдуулсан хэвлэлийн бага хурал өнөөдөр боллоо.

Маргааш 11:00 цагт буюу морин цагт “Чингис хаан” музейн нээлтийн ёслол болно. Музейн нээлт Чингис хаан мэндэлсний 860 жил буюу тэгш ойтой давхардаж буйгаараа онцлогтой. Мөн нээлтийн ёслолд зориулж төрийн есөн хөлт цагаан тугийг “Чингис хаан” хаад, язгууртны музейд залах Монгол Улсын Ерөнхийлөгчийн зарлиг гарсныг мэдээллийн эхэнд Ерөнхийлөгчийн Тамгын Газрын дарга Я.Содбаатар хэллээ.