Өөрийнх нь зиндааны оддын нэг Жонни Депп салсан залуу эхнэр Амбер Хердыг шүүхэд өгөөд ялсны дараа Брэд Питт зориг орсон уу, алдартай экс эхнэрээ шззхэд өгсөн. Нэг үе “Холливудын алтан хос” явсан хоёрын нөхөр Франц дахь дарсны үйлдвэрийг нь зарсан хэмээн нэхэмжлэл гаргасан. Шүүхдэлцэж буй Анжелина Жоли, Брэд Питт нарын маргаан үргэлжилсээр байна. Саяхан Анжелина Жоли 2016 онд Атлантын далай дээгүүр явж байсан нислэгийн үеэр Брэд Питт нэг хүүхдээ боомилсон гэж буруутган гомдол гаргажээ.
Маргааныг Брэд Питт эхлүүлж Францын өмнөд хэсэгт нэгэн цагт хамтдаа эзэмшдэг байсан Château Miraval хэмээх дарсны үйлдвэрийн хагасыг Жоли хууль бусаар зарсан гэж буруутгасан нэхэмжлэлээс эхлэн хосууд дахиад муудалцав.
Анжелина Жоли 2016 оны 9-р сард Францаас Лос-Анжелес руу нисэж байхдаа Питт гэр бүлийнхнээ хэл амаар болон бие махбодийн хүчирхийлэлд автуулсан гэж гомдолдоо дурджээ. Энэхүү нислэгийн дараа Жоли үр хүүхдүүдийнхээ сайн сайхны төлөө салах өргөдлөө өгөхөөр шийдсэн гэжээ. Жоли өмнөх шүүхийн баримт бичигт энэ онгоцоор зорчиж явсан тухай өгүүлсэн боловч Питт 6 хүүхдийнхээ хэнийг боомилсныг нэр заан дурдаагүй байна.
Тэрбээр “Нислэгийн үеэр Питт хүүхдүүдийн нэгийг нь боомилж, нөгөөгийнх нь нүүр рүү цохисон. Зарим хүүхдүүд маань “Аав аа болиоч” хэмээн Питтээс гуйн уйлж байв. Тэд бүгд айсан” гэсэн байна. Мөн согтуу Брэд, эхнэр Анжелина Жоли болон хүүхдүүд рүүгээ шар айраг асгасан. Маргаан ширүүсэн олон цаг үргэлжилсний эцэст Питт унтсан гэжээ.
Жоли өмнө нь дарсны үйлдвэрийнхээ хагасыг Питтэд зарахыг хүссэн боловч Питт түүнд болон гэр бүлийнхэндээ бие махбодийн болоод сэтгэл санааны дарамт учруулсан тухай ярихыг хориглосон гэрээ байгуулахыг шаардсан тул яриа үр дүнд хүрээгүй гэж мэдэгджээ.
Брэд Питтийн төлөөлөгчдид энэ асуудалд тайлбар хийхээс татгалзжээ. 2016 оны 11 сард Холбооны мөрдөх товчоо болон Лос-Анжелес дүүргийн Хүүхэд, гэр бүлийн үйлчилгээний хэлтэс хувийн онгоцонд болсон явдлаас үүдэлтэй Брэд Питт болон түүний хүүхдүүдэд бие махбодын хүчирхийлэл үйлдсэн гэх хэргийн мөрдөн байцаалтыг хааж, Питтийн эсрэг эрүүгийн хэрэг үүсгээгүй орхисон билээ.
Discussion about this post