Монгол цэрэг Энхийг дэмжих ажиллагаанд оролцож эхэлсний 20 жилийн ой тохиож байна. Энэ хүрээнд Хил хамгаалах байгууллага цэнхэр дуулгат хилчдэдээ хүндэтгэл үзүүллээ. Тухайлбал, хилчдийн дундаас Энхийг дэмжих ажиллагаанд оролцож яваад амиа алдсан хилчин дэд хурандаа Баастын Сайнболор агсны гэр бүлд Хил хамгаалах ерөнхий газрын удирдлагууд хүндэтгэл үзүүлж сэтгэлийн хандив өргөн, гурван хүүхдэд нь нийт арван таван сая төгрөг өглөө.
Дэд хурандаа Б.Сайнболор агсан Хил хамгаалах байгууллагад 22 жил ажилласан мэдлэг туршлагатай, гадаад хэлний мэдлэг ур чадвар сайтай офицерын нэг байжээ. Тэрээр 2006 онд ХХЕГ-аас үүрэг гүйцэтгэхээр явсан анхны бүлгийн дарга, 2015 онд БНӨСУ дахь НҮБ-ын Энхийг сахиулах ажиллагаанд Хил хамгаалах байгууллага болон бусад төрийн цэргийн байгууллагыг төлөөлж НҮБ-ын цэргийн ажиглагчаар үүрэг гүйцэтгэсэн хилчин билээ.
Discussion about this post