В.Путин зэвсэгт хүчиндээ Донбассын бүс нутагт тусгай ажиллагаа явуулах тушаал өгснөө зарлалаа

Даваа гарагт Донецк, Луганскийн мужийн тусгаар тогтнолыг хүлээн зөвшөөрөх зарлигт Путин гарын үсэг зурсан. Үүний дараа энхийг сахиулах үүрэгтэй Оросын цэргийн хүч Донбасст нэвтэрч байв. Энэ асуудлыг дэлхийн бусад улс орнууд анхааралтай ажиглан ОХУ-ын эл үйлдлийг шүүмжлэн, эхнээсээ ОХУ-д хориг тавьж эхлээд байсан юм. Тэгвэл ОХУ-ын ерөнхийлөгч В.Путин Донбассын бүс нутагт тусгай ажиллагаа явуулах тушаал өгснөө дөнгөж сая зарлалаа.

Украины хотуудад хүчтэй дэлбэрэлтийн чимээ дуулдсан гэж CNN мэдээлжээ. Дэлбэрэлт болсон тухай Оросын RT телевиз ч мэдээлсэн байна.