Монгол Улсын Ерөнхийлөгчийн Оросын Холбооны Улсад (ОХУ)-д хийх айлчлалын бэлтгэл хангах хүрээнд Сангийн дэд сайд С.Мөнгөнчимэг 2021 оны 12 дугаар сарын 5-7-ны өдрүүдэд ОХУ-д ажиллав. Тэрбээр ОХУ-ын Сангийн орлогч сайд Т.И.Максимовтой 12 дугаар сарын 6-ны өдөр ажлын уулзалт хийлээ.
Уулзалтаар Монгол Улсын нийгэм, эдийн засгийн өнөөгийн байдал, цар тахлын эсрэг Засгийн газраас авч хэрэгжүүлж байгаа арга хэмжээ, Монгол Улсын 2022 оны төсвийн талаар товч мэдээлэл хийсэн байна.
Түүнчлэн хоёр улсын Сангийн яамд хоорондын хамтын ажиллагааг идэвхижүүлэх, өргөжүүлэх боломжийн талаар санал солилцож Монгол Улсын Ерөнхийлөгчийн айлчлалын хүрээнд хоёр улсын Сангийн сайд нарын уулзалтыг зохион байгуулж хамтран ажиллахаар тохиролцжээ.
Discussion about this post