“Дэлхийн мисс-2021” тэмцээнд эх орноо төлөөлөн оролцох А.Бөртэ-Үжин гэж хэн бэ? Соёл урлагийн их сургуулийг 2017-2021 онд сурч төгссөн. Бүжгийн багш, найруулагч мэргэжилтэй. Одоо уран нугараачаар ажиллаж байна.
Биеийн өндөр: 175 см
Биеийн харьцаа: 93/57/90
А.Бөртэ-Үжин нь хамгийн анх 2017 онд “Miss world Mongolia” тэмцээнд оролцож байсан бөгөөд БНСУ-д болсон “Miss Supertalent of the World record” тэмцээнд мөн оролцон нэгдүгээр байрт шалгарчээ. Уран нугаралтаар 2007 оноос эхэлж Герман, Япон, Арабын Нэгдсэн Эмират улс Дубай, Франц, Сингапур, Солонгос, Хятад, ХонгКонг, Турк, Швед зэрэг оронд аялан тоглолт хийж байсан юм.
“Дэлхийн мисс-2021” тэмцээнд Латин Америкийн “Пуэрто-Рико” арал дээр ирэх арваннэгдүгээр сарын 21-нээс арванхоёрдугаар сарын 16-ныг хүртэл болж, шилдгүүдээ тодруулна. Нэг сар гаруй дэлхийн 123 орны үзэсгэлэнт бүсгүй дэлхийн мисийн титмийн төлөө өрсөлдөх бөгөөд Монгол улсаа төлөөлөн оролцох А.Бөртэ-Үжин оролцохоор шалгарчээ.
Discussion about this post