С.Ган-Эрдэнэ нь ажлын анхны гараагаа 2009 онд Мобиком корпорацид Маркетингийн стратеги, төлөвлөлт, судалгааны мэргэжилтнээр эхлүүлсэн ба 2011-2015 онд Монгол Улсын хөгжлийн банкинд ахлах мэргэжилтэн, хэлтсийн захирал, 2017-2018 онд Их Британийн Шройдерс Инвестмент Менежмент компанийн Люксембург дэх салбарын Хөрөнгө оруулалтын санд дадлагажигч ажилтан, 2018-2020 онд ДиБиЭм Ассет Менежмент ҮЦК ХХК-д Хөрөнгийн удирдлага хариуцсан захирал зэрэг нийт 11 жилийн ажлын туршлагатай.
Тэрбээр Хөгжлийн банкинд ажиллах хугацаандаа Монгол Улсын анхны 580 сая ам.долларын гадаад бонд, Чингис бонд, Самурай бонд зэрэг 2.4 тэрбум ам.долларын эх үүсвэрийг татан төвлөрүүлэх, тус банкны хөрөнгийн удирдлагыг хэрэгжүүлэх, дунд урт хугацааны стратеги төлөвлөлтийг боловсруулах зэрэг ажлыг гүйцэтгэсэн.
Мөн Их Британийн Шройдерс Инвестмент Менежмент компанийн Хөрөнгө оруулалтын санд дадлагажигч ажилтнаар ажиллаж ирээд ДиБиЭм Ассет Менежмент ҮЦК ХХК-д Хөрөнгийн удирдлага хариуцсан захирлаар ажиллаж байхдаа өөрийн удирдсан хөрөнгө оруулалтын сангийн өгөөж (NAV)-ийг 67 орчим хувиар амжилттайгаар нэмэгдүүлсэн байна.
С.Ган-Эрдэнэ нь 2009 онд Монгол Улсын Их Сургуульд Эдийн Засгийн Ухааны Бакалавр, 2017 онд Люксембургийн Их Сургуульд Хөрөнгийн Удирдлага (Wealth Management)-ын Магистр зэргийг тус тус хамгаалжээ.
Discussion about this post