Хөвсгөл аймгийн Ханх суманд өнгөрсөн нэгдүгээр сарын 12-нд болсон газар хөдлөлтөөс хойш энэ 7 сарын 22-ны өдрийн 18.00 цагийн байдлаар тус бүс нутагт 82638 удаагийн газар хөдлөлт бүртгэгдсэн аж. Газар хөдлөлтийн магнитуд нь 3.5 болон түүнээс дээш хүчтэй газар хөдлөлт 222 удаа болсон байна.
Мөн Хөвсгөл аймаг сүүлийн гурван өдөр дараалан газар хөдлөлт бүртгэгджээ. Хамгийн сүүлд 7 дугаар сарын 22-ны 15 цаг 45 минутад Ханх сумаас баруун урд зүгт 44 километрийн зайд 3,9 магнитудын хүчтэй газар хөдлөлт болсон гэдгийг ШУА-ийн Одон орон, геофизикийн хүрээлэнгээс мэдээлэв.
Сүүлийн үед Улаанбаатарт газар хөдлөлт, чичирхийлэлт ойр ойрхон мэдэгдэх боллоо. Энэ талаар Онцгой байдлын ерөнхий газар сүүлд нь ёс төдий мэдээлж, ард иргэд фэйсбүүк твиттерт тоглоом наадам болгоод өнгөрч байна. Газар хөдлөлт бол гал усны аюул болон иргэдийн амь нас, эрүүл мэнд, эд хөрөнгөнд шууд нөлөөлөх том аюул. Нэг нүүрлэвэл одоо бидний айж эмээгээд буй короновирусээс илүү аюул дагуулна. Ялангуяа Улаанбаатар хот шиг, шигүү бетонон ширэнгэ шиг барилгатай нөхцөлд. Манай барилгын чанар стандарт ямар байгаа билээ…
Монгол Улс газар хөдлөлтийн идэвхтэй бүсэд байрладаг. Өчигдөр гэхэд Улаанбаатарын цагаар 08:28 цагт Хөвсгөл аймгийн Ренчинлхүмбэ суманд магнитуд нь М=4.1-тэй газар хөдлөлт болсон. Мөн өдрийн 09 цаг 12 минут 51 секундэд Сэлэнгэ аймгийн Ерөө суманд магнитуд нь М=5.2-той газар хөдлөлт боллоо. Үүнийг нийслэлчүүд мэдэрсэн.
Хөвсгөл аймгийн Ханх суманд өнгөрсөн нэгдүгээр сарын 12-нд болсон газар хөдлөлтөөс хойш энэ 7 сарын 22-ны өдрийн 18.00 цагийн байдлаар тус бүс нутагт 82638 удаагийн газар хөдлөлт бүртгэгдсэн нь том дохио бус уу.
Discussion about this post