Хөдөлмөр, нийгмийн хамгааллын сайд А.Ариунзаяа өнөөдөр “Манай гэр” асрамжийн төвд очсон юм. Энэ төвийг Монгол Улсын гавьяат багш Н.Гаамаа удирдан ажиллуулдаг. Тэрбээр Монгол Улсын ирээдүй хойч үе хүүхэд, өсвөр үеийнхний сайн сайхны төлөө өөрийн мэдлэг чадвар, оюун ухаан, хүч хөдөлмөрөө зориулж, хүүхдийн эрхийг хамгаалах, хөгжил, оролцоог дэмжих тогтолцоог бэхжүүлэхэд үнэтэй хувь нэмэр оруулж яваа.
Монгол Улсын гавьяат багш Н.Гаамаа нь 1982-1998 он хүртэл багшаар, 1998 оноос хойш “Манай гэр нийгэмлэг” ТББ-ыг үүсгэн байгуулж, нийгмийн хамгааллын салбарт нийт 38 жил ажиллаж байна. Ажиллахдаа хүүхэд, залуучуудын сайн сайхны төлөө, нийгмийн эмзэг болон эрсдэлтэй байгаа хүүхэд, гэр бүлийн төлөө, тэдний эрх ашгийг дээдлэн хүндэтгэж, хамгаалах ажлыг тууштай хийж ирсэн нэгэн.
Анхны хүүхдүүдээс нь ажил амьдралын гараагаа эхэлж, дүү нараа хамтдаа өсгөн хүмүүжүүлж байгаа хүүхдүүд ч байна. Японд суралцаж байгаа сурлагатай хүүхэд ч байна.
Хүүхдүүдээ хүлэмжид ногоо ургуулж, амьдралын ур ухаан суулгахаас гадна гар урлалд дурлуулж маш сайхан уран бүтээлүүд оёж, шигтгэсэн байна.
А.Ариунзаяа сайд Гавьяат багштай хөдөлмөр зуслантай болох хэтийн төлөвлөгөөнд яаж хамтрах вэ, Асрамжаас гарч байгаа насанд хүрсэн хүүхдүүдийг “том хүн”-ий бие даасан амьдралд хэрхэн шилжүүлэх үү, хуаранчлах уу, хэсэгчлэн гэр бүлийн орчин бүрдүүлэн хөгжүүлэх үү гэх зэрэг олон олон асуудлаар санал бодлоо солилцжээ. ![](http://taiz.mn/wp-content/uploads/2021/07/Azaya.jpg)
![](http://taiz.mn/wp-content/uploads/2021/07/Asramj.jpg)
![](http://taiz.mn/wp-content/uploads/2021/07/Azaya.jpg)
![](http://taiz.mn/wp-content/uploads/2021/07/Asramj.jpg)
Discussion about this post