Ерөнхийлөгчийн сонгуулийн өмнө Улсын Дээд шүүхэд намаа татан буулгах хэмжээнд хүртэл шалдаа буусан Н.Энхбаярын албан тушаалын наймаа тохироо нь тодорхой шийдэлд хүрч чадахгүй бухимдуу байгаа сурагтай.
Ямартай ч МАН-ын зүгээс 3 яам, тодруулбал ЭМЯ, Соёлын яам, БОЯ-ыг санал болгосон боловч түүний санаанд нийцээгүй бололтой. Тиймээс дахин хэлэлцээрийн ширээнд сууж Хууль зүйн яам, Эрчим хүчний яам, Зам тээврийн яам, Байгаль орчны яам юм уу, Нийгэм хамгаалал, хөдөлмөрийн яамыг авах, МАН-ын бага хурлын гишүүнээс 30 хувийн квот авах зэрэг санаагаа ил далд цухалзуулж явна. Мөн Э.Батшугарыгаа СХД-ийн нөхөн сонгуульд нэр дэвшүүлэхээр тохирсон ч Хотын дарга Д.Сумъяабазар тэргүүтэй улстөрчид эрс эсэргүүцэн, санаархлыг нь тас цохиж байна. Гэвч гандан буурахгүй ийнхүү хүүгээ дагуулан МАН-аас амлалтаа нэхэн “бадарчилж” яваа нь энэ юмсанж. Намаа татан буулгах үеэр хэвлэл мэдээллийн хэрэгслээр МАН-ын Удирдах зөвлөлд 8, Бага хуралд 110 хүн, нийслэл, аймаг, намын хорооны тргүүлэгч гишүүнээр зургаан хүн зэргээр 2200 орчим хүн намын албан тушаалд очно гэж ил цагаан мэдэгдэж байсан тэрбээр МАН-ын хүртээх гэсэн албан тушаалын бялууг чамласаар тодорхой шийдэлд хүрч чадахгүй өнөөдрийг хүрчээ. Ийнхүү эрх ашгийн төлөө юу ч хийхэд бэлэн экс ерөнхийлөгч Н.Энхбаярын шунал хаа хүрч дуусахын таахад бэрх ажээ.
Discussion about this post