ДУУЧИН БАТТОГТОХ ДАЛНЫ СИЙЛБЭР, ОРИФЛЕЙМЫН ОРЛОГООРОО ТЭРГҮҮЛЖ БАЙНА

Тэдний араас дуучин Баттогтох жагсана. Дуучин Баттогтох “Гэнэн сэтгэл” киноны дуу болох “Орчлонд хавар ирэхийн цагт нь Оргил хангай цэцэглэнээ найз минь” гэдэг ганц дуугаар олонд танигдсан нэгэн. “Сарны чулуу” чуулгад дуучин байсан Баттогтох Орифлеймтэй холбогдсоноор хувийн бизнесээ хийж, чуулгаасаа гарсан. Мөн далны ясаар сайхан сийлбэр хийж, Баттогтохын сийлбэрийг авах гэж хүмүүс өрсөлддөг. Тиймээс “Далны Тоогий” гэж алдаршсан. Далны ясаар Дархан аварга Г.Өсөхбаярыг яг адилхан урласан, үнэхээр уран гартэй нэгэн. Нэг сийлбэр нь хэдэн арван саяар үнэлэгдэх болсон. Сайхан хоолойтой, уран гартай, дээр нь Орифлеймын топ 10-т жагсах захирал Баттогтохыг үнэхээр ажилсаг, хөдөлмөрч, өөрийнхөө амьдралыг хоёр гараараа бүтээсэн залуу. Амжилттай яваа эр хүний ард эхнэр байдаг гэдэг. Дуучин Баттогтохын гэргий Х.Батцэцэг гээд Баянхонгорын гаралтай бүсгүй бий. Сайн эртэй учирч эмэгтэй хүн зүсийг олдог гэхчлэн дуучин Баттогтохтой учирч гэрлэснээс хойш улам өнгө зүс ороод байгаа. Хамтдаа очоогүй тив, улс байхгүй гэхэд хилсдэхгүй. Орифлейм компанийн эх орон Шведэд хүртэл алдартай “орифлеймчин” сайхан хосууд. Эхнэр нь ямар ч миссүүдээс дутахааргүй сайхан бүсгүй, Баттогтох, Батцэцэг хоёр аргагүй л заяаны ханиуд гэж амьдралыг мэдэх хүмүүс магтдаг.