Хятад улс түүхэндээ 7 удаа хүн амын тооллого хийсэн. Х амгийн сүүлд 2020 оны 11 сарын 1-нээс 12-р сарын 10-ны хооронд иргэдээ тоолжээ. Хятадын Статистикийн удирдах газрын мэдээлснээр 2020 онд тус орны хүн ам 0,83%-иар өсч 1 тэрбум 411 саяд хүрсэн байна. Энэ бол 2010 онтой харьцуулахад хүн амын тоо 72,06 саяар нэмэгдсэн гэсэн үг.
Тооллогын дүнгээс үзэхэд Хятадад одоо 723,34 сая эрэгтэй, 688,44 сая эмэгтэй хүн амьдарч байна. Нийт хүн амын 63,35 хувь нь 15-аас 59 хүртэлх насныхан бол 18,7 нь 60-аас дээш насныхан. Хятадын нийт хүн амын 63,89 хувь нь хотод амьдардаг юм байна. Энэ нь 2010 онтой харьцуулахад 14 хувиар ихэсчээ. Хятадын нийт хүн амын 91,11 хувь нь хань үндэстэн (хятадууд) бөгөөд үндэстний цөөнхийн эзлэх хувь 8,89 болжээ. Хятад улс 10 гаруй жилийн өмнө “1 өрх 1 хүүхэд” бодлогоо цуцалсан хэдий ч хүн амын тоо өсч шальсангүй гэж шинжээчид мэдэгдлээ. Сүүлд явуулсан тооллогоос үзэхэд Хятадын хүн амын өсөлт жилд дунджаар 0,53% байна. Энэ үзүүлэлт нь 2000-2010 оныхтой харьцуулахад 0,04%-иар багасчээ.
Discussion about this post