Л.Оюун-Эрдэнийн Засгийн газрын 100 хоног тохиож, 100 хоногийн “баяраа” нижгэр тэмдэглэж байна. Л.Оюун-Эрдэнийн хийсэн онцлох ажил нь сайн муугаараа хэлэгдэн, иргэдээ өндөр хувьтай вакцинжуулсан нь үнэн. Бусдаар “хөл хорио тогтоогоогүй бол 1 сая хүн өвчилж, 2000-3000 мянган хүн амь насаа алдах байсан, үйлдвэржилт буурах байсан” гэж аюулыг гэтэлгэгчийн дүртэй сууж байна. Харин Ерөнхий сайд Л.Оюун-Эрдэнэ “Ерөнхий сайд нь заавал намын дарга байх ёстой. Ялыг нь эдэлж байгаа бол ямбыг нь эдлэх ёстой. Өмнөх зарим Ерөнхий сайд нар ийм биш байснаас болж олон асуудал үүссэнийг бид санаж байгаа байх” гэж хэллээ. С.Баяр 2007 онд М.Энхболдоос яг ингэж хэлж байгаад Ерөнхий сайд, МАН-ын даргын тамгыг авч байсан. Энэ нь санамсаргүй хэлсэн үг биш байх.
У.Хүрэлсүх ерөнхий сайдаас огцроод гурван сар болж байгаа ч өдий хүртэл МАН-ын даргын тамгаа өгсөнгүй. Ерөнхийлөгчийн сонгуульд нэр дэвшихээр улайрч яваа У.Хүрэлсүх Ерөнхий сайдын албаа Л.Оюун-Эрдэнэд ацаглаж өгөөд бараг зугтсан. Эртнээс ерөнхийлөгчийн сонгуульд бэлдсэн У.Хүрэлсүхийн бэлтгэл “цөмөрч” эхлээд байна. Тэгээд ч үйлийн үр, карма гэж байдаг бол бумаренг шиг буцаад У.Хүрэлсүхэд ирж магадгүй. Учир нь 2017 оны сонгуульд намынхаа нэр дэвшигчийн эсрэг ажиллаж, “эрлийз морь уралдуулахгүй” гэсэн нь Топор ярианаас илэрхий болсон. Одоо нэг урвасан хүн дахиж урвахгүй гэх баталгаа байхгүй. Тэгээд ч итгэж кабинетаа өгсөн Л.Оюун-Эрдэнэ “эвгүй” ахтай. Цэрэг хувцас, агт морь, монгол маркинд мөнхөрч яваа У.Хүрэлсүх унавал М.Энхболдоосоо илүү чанга хүнд газардах нь тодорхой. Л.Оюун-Эрдэнэд итгэснээс засагт ханы хөх харчуудын нэг Ж.Энхбаярт найдсан бол дээр ч байж болох…
Discussion about this post