“Сумандаа л заан” гэдэг шиг, аймгийн ИТХ-ын төлөөлөгчид өөртөө мөнгө хуваарилж авах нь зуршил боллоо. Анх УИХ-ын гишүүд төсвийн мөнгөөр IPAD-тай болж байсан бол одоо аймгуудын ИТХ-ын төлөөлөгчид төсюийн мөнгөөр айпадтай болдог болжээ. Аймгийн ИТХ-ын төлөөлөгчдийг цахим хэрэгслээр хангах ажлыг Увс аймгийнхан эхэлж салхи хагалсан. Тиймдээ одоо ИТХ-ын 41 төлөөлөгчдөд нийт 80 сая төгрөгөөр 41 таблет авч өгөх тендер зарлагдсан байна. Тэдний араас 35 төлөөлөгчтэй Сэлэнгэ аймгийн ИТХ мөн л таблетжуулахаар 70 сая төгрөгний өртөгтэй сонгон шалгаруулалт зарласан. Тэгвэл Орхон аймгийнхан бас дутсангүй, ИТХ-ын төлөөлөгчдөд IPAD авч өгөхөөр 114,6 сая төгрөгний өртөгтэй тендер зарлагджээ. Тус ИТХ нийтдээ 32 төлөөлөгчтэй. ИТХ-ын даргаар Д.Мөнхбат ажилладаг. Эрдэнэтийн ИТХ-ын төлөөлөгчид ингэж хүчээ нэгтгэж байгаа бололтой.
Discussion about this post