Хууль зүй, дотоод хэргийн яаманд 2019 он буюу Ц.Нямдоржийг сайд, Х.Билгүүнийг Төрийн нарийн бичгийн байсан үеийг нь “яамны их тансаглалын жил” хэмээн нэрлэдэг байсан. Сайд нь цоо шинэ “Лексус 570” авч хөлөглөж, Төрийн нарийн бичгийн дарга нь 51 сая төгрөгөөр албан өрөөгөө тохижуулж яамандаа 626 саяар тавилга авч байсан юм. Тэгвэл үүн дээр нэмээд “Улаанбаатар хивс” компаниас 36,8 сая төгрөгөөр хивс, дрож худалдан авч яамандаа зулжээ. Мөн “Тулга төхөөрөмж” компаниас 11,6 сая төгрөгийн гал тогооны бараа худалдан авсан байна. Энэ их мөнгөөр найман төрлийн есхөн ширхэг бараа авсан нь нэг бүр нь саяас доошгүй үнэтэй байсан аж. Хурлын заал, гэрээ хэлцлийн танхимдаа 7,7 сая төгрөгийн хөшиг өлгөжээ. Ширээ сандалд нь 26 сая төгрөг зарцуулсан байна. Үүнийг л тансаглал гэхээс өөр юу гэх вэ.
“Бид уучлахгүй” хөдөлгөөний тэргүүн Б.Мөнхцэлмэг өөрийн фэйсбүүк хуудсаар лайв бичлэг хийж ХЗДХЯ-нд иргэний зүгээс хүсэлт өгөв.
Тэрээр мөн шинэ баримтууд дэлгэв. Үүнд: ХЗДХЯ
- 71,5 саяар хөшиг,
- 46,4 саяар хурлын чанга яригч,
- 117,9 саяар хоёр давхрын гэрээ хэлцлийн танхим, хурлын танхимыг хамтад нь засч тохижуулсан байна. Энэ мэдээллийг тус яамны шилэн дансны мэдээллийг нягталж олсон гэж байв.
Discussion about this post