МЭРЭГЧДИЙН (ҮЛИЙН ЦАГААН ОГОТНО) НЯГТШЛЫГ ТОДОРХОЙЛОХ АЖИГЛАЛТЫН ТОЙМ
Бэлчээрийн хөнөөлт мэрэгчдийн 2026 оны 8 дугаар сарын дунд арав хоногт хийдэг нягтшилыг тодорхойлох ажиглалтын мэдээгээр 0.25 га талбайд үлийн цагаан оготнотой нүхний тоо Завханы Нөмрөг, Хөвсгөлийн Цэцэрлэг, Цагаан-Уул, Өвөрхангайн Хархорин, Төвийн Бүрэн, Хэнтийн Галшар, Дорноговийн Иххэт сумдад 100-аас их, Хөвсгөлийн Бүрэнтогтох, Архангайн Чулуут, Цэцэрлэг, Батцэнгэл, Булганы Могод, Рашаант, Баяннуур, Төвийн Баян-Өнжүүл, Дундговийн Эрдэнэдалай, Хэнтийн Өндөрхаан сумдад 51-100, бусад нутгаар 0-50 байна.
- Бэлчээрийн хөнөөлт царцааны ажиглалтын мэдээний тойм
Хөнөөлт царцааны нягтшилын 2026 оны 8 дугаар сарын 20-ны мэдээгээр Ховдын Чандмань, Дундговийн Адаацагт царцааны хэт олшролттой буюу 1 м2 талбайд 8-10, бусад сумдын нутгаар хэвийн буюу 1-7 царцаа тоологдсон байна (Зураг 1). Царцааны төрлийн хувьд сибирийн царцаа, бараан далавчит царцаахай болон барабегийн таршаа зонхилон ажиглагдсан байна.
Ус цаг уур, орчны судалгаа, мэдээллийн хүрээлэн
Хөдөө аж ахуйн цаг уурын судалгааны хэлтэс
Discussion about this post