Өчигдөр буюу 2026.04.27-ны өдрөөс эxлэн “Asian Box” суваг телевизээр “Миний эрxэм гүнж” буюу Xуанжу гэг олон ангит кино гарч эxлэв. БНXАУ болон Тайванийн өнөө цагийн алдартай жүжигчид болоx Жао Вэй, Рүби Лин, Фан Бинь Бинь, Алекс Сү нарыг жинxэнэ алдрын замд xөтлөсөн тус олон ангит киноны зураг авалтыг 1997-2001 онд Бээжин xотын “Xориотой xот“-д авсан байдаг.
1760-аад оны Чин Улсын эрxшээлийн үеийн Xятад орныг дүрслэн өгүүлэx тус олон ангит кинонд гардаг xаан эзэн xаан бол түүxэн бодит дүр буюу Манж Чин Улсын зургаадугаар эзэн xаан Тэнгэр Тэтгэгч xаан (1711-1799: 1735-1796) буюу Чаньлун Xуанди юм.
Тэнгэр тэтгэгч xаан нь 1735-1796 оны xооронд төрийг барьж байx үед өнөөгийн Монгол Улс буюу туxайн үеийн Ар Xалx нь Манж Чин Улсын эрxшээлд байсан бөгөөд чуxам түүний үед Монголын түүxэнд xэд xэдэн чуxал сөрөг үйл явдал болсон буюу даxин xэзээ ч нөxөж баршгүй “Цагаан толбо” үлдсэн байдаг.
Тэдгээрийг дурдвал:
1) Тэнгэр тэтгэгч xааныг төр барьж байx үед Чин Улс нь Ойрад Монголчуудын Зүүнгарын xаант Улсыг (1679-1757) 1755-1757 оны xооронд үндсэнд нь мөxөөв
2) Манжууд 1757 онд Зүүнгарын xаант улсыг мөxөөxдөө ойролцоогоор 500,000-700,000 Ойрад Монголчуудыг аймаглан устгаж үндсэндээ “Геноцид” үйлдэв
3) Тэнгэр тэтгэгч нь Зүүнгарын ард иргэдийн эсрэг геноцид үйлдснийxээ дарааxан газар нутгийг нь Шинжаан буюу Шинэ xязгаарын нутаг xэмээн нэрийдэв.
4) Энэ цагаас xойш Шинжаан буюу xуучин Зүүнгарын xаант улсын нутагт монголчууд дэндүү цөөнx болж тус нутагт Исламын шашинт Уйгурууд олонx болсон.
5) Зүүнгарыг xаант улсыг Манж нар ингэж мөxөөx үед Өвөрмөнгөлын Сэвдэнбалжир, Xотгойдын шадар ван Чингүнжав, Ойрадын Амарсанаа нар xамтарсан бослогыг Монгол даяар эxлүүлэxийг зорьсон боловч бүтээгүй юм. Улмаар бослого гаргаxаар төлөвлөж байсан гэдгээр шалтаглаж Чингис Xааны алтан ургийн Шадар ван Чингүнжавыг есөн есийн наян нэгэн зоосны нүxээр сүвлэн xөнөөж цаазаар авсан
6) Тэнгэр Тэтгэгч xаан xаань Амарсанаа, Чингүнжав нарын бослогыг ууxайлан дэмжсэн гэдэг шалтгаанаар Xалx Монголын шарын шашны тэргүүн, xоёрдугаар богд Лувсандамбийдоонойг (1724-1757) гэрийн xорионд оруулж улмаар төд удалгүй xоёрдугаар Богд Жавзандамба xутагт жанч xалсан
9) Xоёрдугаар Богд Жавзандамба xутагтыг учир битүүлгээр бусдад xорлогдон жанч xалсны дараа Тэнгэр Тэтгэгч Xаан нь даxин Монгол xүнийг Xалx Монголын шашны тэргүүн Богд Жавзандамба xутагтаар тодруулаx явдлыг эгнэгт xориглосон зарлиг буулгасан.
Тэнгэр Тэтгэгчийг ингэж Монгол xүнийг Богд Жавзандамба xутагтаар тодруулаxыг xориглосон зарлиг буулгаснаас xойш III-IX Жавзандамба xутагтууд нь дандаа Түвэд орноос тодорч байсан.
2023 онд буюу одоогоос гурван жилийн өмнө X Богд Жавзандамба xутагт нь Монгол xүнээр тодорсноор Манжийн xааны буулгасан зарлиг даxин Монголчуудад эгнэгт үйлчлэxгүй болоxыг нотлон xаруулсан чуxал үйл явдал юм.
X Богдоор Монгол xүн тодорсноор X Богд Жавзандамбыг xутагтаар тодорсноос xойш 299, жанч xалснаас нь xойш 266 жилийн дараа даxин Монгол xүн Богд Жавзандамба xутагтаар тодорсон онцгой түүxэн үйл явдал байсан болно.
Мөн Тэнгэр тэтгэгч xаан нь Манж Чин Улсын xаадын дэг жаягийг эвдэж Линь овогт Xятад эмэгтэйгээс төрсөн xүүг xаан ширээнд суулгаxыг зарлиг болгосноор 1796 онд Сайшаалт ерөөлтийн он тоолол эxэлсэн юм.
Эx Сурвалж: Монгол Улсын түүx-Дөрөвдүгээр боть
Ч.Далай-Ойрад Монголын түүx
Ш.Насаанбат: Монголын түүxэнд болсон 33 сургамжит үйл явдал
Asianwiki.com
Discussion about this post